熊黛林连环抝柴无得唔认老　结婚8周年于中医馆渡过

熊黛琳（Lynn）今午出席健身品牌活动，身为代言人嘅佢以运动造型现身，大骚弗爆身型。Lynn表示平日除运动、少食油腻食物外，最紧要保持心境开朗。唔少妈妈都会将小朋友食剩嘅饭𩠌食埋，搞到体重难以控制，但Lynn就话无呢个习惯：“除非佢哋之前食零食，但都好少，因为我唔会买，但都会间中买糖做奖励。”Lynn平日都会同老公一齐健身，她坦言想老公有完美体态，问到老公有冇腹肌时，她说：“要返去揾吓。”

上月是Lynn同郭可颂结婚8周年，但Lynn透露由于当日喺屋企抝柴，所以最后餐厅去唔成，改去中医馆，连佢都觉得好笑。不过最惨系带伤开工时又再抝柴，搞到而家都要十分小心。“睇中医话年纪大恢复得慢，唔似得十几岁，我以前抝柴都唔会睇医生，真系要认老。”

圣诞将至，Lynn无意外游，想留在家中休息，提到小朋友无得过圣诞，她即笑笑手表示：“由佢哋，通常我哋年头去旅行，因为年尾做嘢忙，难预时间。”