吕奇惊传死讯｜吕珊曾被误会是女儿　未能得知世叔伯现况望安好

粤语片一代红星吕奇（原名汤觉民）于80年代末淡出幕前，并移居台湾，资深传媒人汪曼玲近日指今年4月收到吕奇死讯。

以“世叔伯”称吕奇嘅吕珊，今晚（20日） 出席《巾帼枭雄之悬崖》宣传活动时，近日有记者揾她求证，她表示对上一次与吕奇“联络”已经系一年前嘅事。“当时有朋友同佢有联络，问佢可唔可以要电话，但奇哥话唔使，佢有关心我妈妈，因为佢识我爸爸，以前一齐拍粤语片，我有啲失望，系好想见佢，因为细个成日见佢，系好挂住佢，但佢选择低调都无办法。”吕珊表示当时得知其身体状况不错，但由于与该友人失联，所以现时无法得知吕奇状况如何，希望是安好。“无亲戚关系，即系我同吕方都无关系一样，哈哈，可能因为细个成日同佢一齐，因为爸爸成日同佢合作，所以令人有错觉。”