关智斌送嫁妆　卫诗雅获未婚夫浪漫作英文诗：要翻译，唔知佢写乜

卫诗雅（Michelle）近日除了密密为叫好叫座的电影《破．地狱》四出宣传、谢票，将于出年二月结婚的她同时亦忙于筹备婚礼，早前她已经试过婚纱、裙褂及婚宴菜式，日前便孖住关智斌（Kenny）到英皇珠宝试首饰。二人身为婚嫁系列的全新代言人，作为师兄的Kenny表示要送上小礼物，更豪言：“拣啦！”Michelle纯时心花怒放。

二人在店舖边选购首饰边倾偈，Kenny问Michelle她的准老公周医生有没有送过礼物给她时，Michelle表示没有，不过却有比送礼物更浪漫的事，“佢送畀我嘅礼物系好有心思，佢会自己作诗。我讲真㗎！佢作英文诗，我睇唔明，又要翻译，又唔知佢写乜，哈哈。佢开始get到我唔识，就转咗写中文，但系写中文我都唔明，哈哈。”

在旁的Kenny大叫浪漫，再追问：“你觉得佢对你做过最浪漫嘅嘢系乜嘢？”Michelle即一副冧样道：“佢完全唔识剪片，我觉得最劲系佢会特登剪片畀我，每日剪一条好短嘅，有啲英文、有啲中文咁样写落去。”随后画风一转，Michelle分享了一件趣事，“有一年生日，佢送咗一个好大嘅盒俾我，你以为系𠮶啲唔知乜嘢包包啦，我开心揭开，系一架Lego车。我唔明点解送一架Lego车俾我，我个表情真系控制唔到，一揭开我本来系笑住，仲要系一架唔知乜嘢嘅跑车，如果系送我揸紧𠮶个型号我都明，我笑住问：‘点解？’佢话：‘冇呀，我好钟意呢架Lego车，想你帮我砌，所以送畀你’。”二人即笑翻天。

随后，Kenny又问他们二人有否love language？Michelle指自己每次见到周医生时，都会主动“揽住佢”，“我系𠮶啲好阳光，佢冇我咁正能量，所以我见到佢我就会揽住佢。我同佢讲有研究显示情侣揽八秒，身体就会分泌一样嘢令你开心，我就会咁样揽住佢，呢个系我嘅love language 。”Kenny解说love language的重要性，Michelle即笑说Kenny十足婚前咨询专家。

二人由金器拣到珍珠，Michelle将拣出来的首饰全都戴上身，不舍得除下，Kenny说：“我已经好多钱，亦都想再揾多啲钱。”Michelle即打蛇随棍上，“咁我可以拣份大啲嘅结婚礼物。”Kenny即大笑：“拣啦！”