Kayan9896爽认离开试当真　否认为嫁豪门铺路：咁我想拍拖咪拍拖

kayan9896（吴家忻）今日（21日）出席圣诞亮灯活动，讲到圣诞，kayan9896话想过白色圣诞，但工作排得密密麻麻，睇嚟都难得实现，至于圣诞礼物，佢话想收到红颈巾，虽然棍男友亲手帜，但又觉得佢手艺麻麻、心情好矛盾。

提到日前去睇Lisa粉丝见面会，更被挑选即场“献舞”，kayan9896表示一切都系咁啱 ，更笑言“识跳唔系唔跳嘛”，问到会唔会考虑学习Lisa嘅做一位性感尤物，她表示：“我谂要多啲历练，畀啲时间我，我可以嘅，我而家唔sexy咩。”

访问中，kayan 9896亦爽快承认上月已离开“试当真”，亦感谢旧东家嘅栽培。“去到一个位我都系要focus 喺自己想focus 嘅嘢，即唱歌演戏，所以正式结束合作。（佢哋有无挽留？）有，但都好了解我想做自己嘅嘢，系时候放手畀我出去闯一闯。”kayan9896又强调今年3月喺男友旗下酒店开演唱会一切公开透明进行，事件未有影响与“试当真”关系，不再合作纯粹双方观点与角度问题，将来亦唔介意到“试当真”宣传。而讲到有指她为叠埋心水嫁豪门，kayan9896强调自己一直努力工作，又指“人一系有钱，一系无钱。无话嫁唔嫁豪门，拍拖就系拍拖，咁我想拍拖咪拍拖，工作都会照做。”