吴浩康剖白当年出轨矛盾心情　内疚却刺激：觉得好多人钟意我好劲

吴浩康（Deep）当年与钟舒漫原本已经订婚，但吴浩康却被爆连追六个女仔，更与女伴当街拥吻。不过近年他“浪子回头”，与郭思琳成家立室后，又去做“职安真汉子”养家，成功洗底获赞好男人。近日他现身田蕊妮主持的节目《港女又万岁》，就大谈对男人出轨和召妓的看法，剖白当年出轨的矛盾心情。

杜汶泽喱骚 Chapman To's Lateshow的网台节目《港女又万岁》新一季开锣，首集在YouTube足本播放，由田蕊妮、虾头（杨诗敏）、贝依霖访问吴浩康、Phat@24味及Sammy@KOLOR，讨论男人对出轨的心声。节目之初，田蕊妮先不停大赞Deep现在是好老公、好老窦又有膊头，他谦称：“一班地铁里面有几多个咁样嘅男人，我做咗两年啫最多，我唔好意思认，做得耐过我嘅大有人在。”

Deep自爆以前“个朵臭到已经沟唔到女”，说是儿子给机会自己展示膊头，“以前我都有养老窦，人哋唔会觉得系点，都系等做明星嘅一条契弟，但系我又做其他嘢，做保险。我个仔出世之后，好似俾咗个机会外面嘅人认知，所以好多谢我个仔。”他坦言婚姻需要长期磨合，会攰，因为自己有认真面对婚姻，所以会攰，当他讲到“咁我老婆都攰嘅讲真。”时，阿田说：“做多咗喇呢句！”

田蕊妮坦言，以往Deep被归类为渣男，自从做职安真汉子后，一下子变成公众心中的好男人，他说：“正常啰。（田：而家都喺渣男个Pool？）当其时系，我系有女朋友嘅时候有其他人，我系出卖咗佢。（田：而家俾人完美嘅感觉。）可能系反差啫。”而当阿田指他浪子回头，他笑言：“更新人士啫最多，唔好话浪子回头。”阿田问他怕不怕有日会有差错，配合不到观众幻想，他指已冇理其他人目光好耐，不论赞或踩都不会理，反正不能取悦所有人，更笑言：“只能够珍惜珍惜我嘅人，你举中指我可以唔望你。（Phat：可以打X佢）打X佢就睇心情，有时都谂如果杀人冇罪，第一时间杀X咗你个冚家X。”他坦言现时信了耶稣，很多事都不能做，但有时又真的会有怒火，“点会冇诱惑？点会冇嘢想做？（例如呢？）好多脾气想发，但我在意佢。”

之后阿田开始入正题，问Deep见到靓女会唔会仍想跟她玩，Deep：“冇㗎喇，烦恼嘅开端，好惊。你睇得太化就唔系爱，爱就系好想都唔去。”叶念琛电影曾有句金句：“十个男人九个滚，剩返𠮶个仲谂紧。”阿田问几位是否认同，Deep竟表示：“唔滚嘅，会有，但系冇滚过嘅我就唔信，一次半次都会有。”几位男士又分享朋友去召妓的故事，以及对出轨和召妓的睇法等等。

阿田再问，有没有试过明明有女朋友，但都出去嫖或出轨，Deep大方回答：“我有试过。”阿田叫他讲讲当时的内心感受，Deep不讳言内疚，但为何内疚又要做，Deep解释：“因为又有另一面诱惑嘅引力，所以某程度上就系经历咗好多次呢啲，觉得好攰，就唔再去。系好矛盾，你明知系错，明知系出卖，但系另一面又觉得做𠮶件事又诱惑，出轨有出轨嘅刺激，或者𠮶个对象，本身你都会对佢有一个好感，同埋我自己就变态啲，好幼稚地觉得好多人钟意我，好似觉得自己好X劲。”

阿田问，如果当时被正印女友逼供或识穿，会不会觉得很烦，Deep指冇可能自己被识穿了还反过来觉得人烦，甚至是再惭愧些，而且唔知点算，Phat谓：“都几无地自容，想揾窿捐，面对唔到正印。”Phat透露自己不知从几时开始参透了一个道理，如果出轨会落对方面、令女友冇面，所以就不会出轨，只会一个完了再到另一个。

贝依霖就问，那他们只是怕麻烦才不出轨，Deep回应：“怕麻烦，同埋唔想冇咗。”Deep亦庆幸自己迟结婚，否则一段关系一旦有一方出轨，都一定搞到好麻烦。阿田再问，如果男人偷食被对方发现，是否必然果断放弃小三，Deep立即说：“我点知呀，我冇小三。”他又相当识做，连番表示：“老婆最重要”、“得一个老婆猪冇其他女人。”直言现时见到靓女都行开啲。