黄建东抽中价值28万台庆特别奖劲开心　感激汪明荃：佢好锡后辈

黄建东昨日（19日）现身《万千星辉贺台庆》接受《香港01》 访问大谈是日服装打扮：“着咗天蓝色嘅贴身西装，以前一路都唔够胆着浅色衫，今年就敢着浅色衫，大家都话靓仔瘦咗好多，瘦咗30磅个运程都好咗，攞咗奖就要keep住瘦。”

抽中价值28万台庆特别奖劲开心

谈及今年抽中台庆特别奖价值280,000元象牙12生肖摩天轮，他分享：“今年系我入TVB第13年第一次喺台庆抽到利是，我不嬲都冇抽奖运，点知汪明荃打开奖个名就系黄建东，福禄寿嘅兄弟都为我欢呼，上咗台都一片空白，今年好开心都可以抽到奖，希望好运延续到出年。”他强调汪明荃是他的贵人，并表示：“新年又去佢𠮶度拜年，佢好锡后辈照顾后辈，喺佢手中抽到利是特别有意义，薛家燕都有特别同我祝贺。”