邓兆尊TVB艳遇多　曾励珍出手撮合仍拒爱陈彦行：唔尊重就食咗佢

邓兆尊一向是圈中艳福无边的代表，即使同时有三个女伴，几位都可以和平共处。日前他现身江美仪、吴家乐主持的节目《娱乐好好玩》，承认自己异性缘旺，更有女艺人用奇招向他示爱，甚至上门求包养。他亦大谈自己曾被陈彦行追求，就连“珍姐”曾励珍都帮手做媒人，但最终他为何仍然拒爱？

邓兆尊与陈彦行（行姐）因合作拍摄《皆大欢喜》成为萤幕情侣，被问有冇追过对方，他说：“坦白讲冇追过，一个（女艺人）都冇追过。”他说自己曾应承父亲新马师曾不会在TVB沟女，虽然都有谂过，但都冇行动，至于行姐有冇追求自己，他直言：“行姐有冇追我，有少少嘅，行姐睇住我都系咁讲，𠮶时有一个节目同思浩做嘅，好似系亚视，‘依家畀机会你再追我一次，你追唔追？’我话唔追。佢都叫少少追过㗎，《皆大》𠮶时，嬲过我㗎，因为我同佢做夫妻，但系现实上我冇同佢做过夫妻，佢就嬲我。”

讲到点解拒爱，邓兆尊表示：“我唔系唔接受佢，行姐好女仔，喺我嘅睇法，好似几好女仔，有样有身材，个人又傻傻地，呢啲好难得，只不过𠮶阵时我已经有女朋友啦嘛。（主持：𠮶时有女朋友定系好多女朋友？）𠮶时有两个女朋友。”兆尊爆料指，当时就连自己老婆都以为陈彦行要“入门”，有次行姐、薛家燕等去他家拍摄，兆尊说：“𠮶时离谱到点呀？𠮶时唔知做边个Show，佢同家燕姐𠮶啲嚟我屋企彩排，个个都同我屋企𠮶个打招呼，行姐冇落嚟，我屋企𠮶个话‘你都系时候叫佢落嚟斟杯茶我饮吓啦，既然入得嚟’，我话入咩嚟呀，入门口就入咗嚟！”令他十分尴尬。

不过原来当时就连无线高层曾励珍，都拨行媒人扇全力助攻，有一日兆尊收到珍姐电话，对方问他在哪里，他答“屋企”，“佢话即刻同我嚟铜锣湾，我话点解要去铜锣湾，佢话你女朋友生日，我话女朋友生日我知㗎㖞，佢话‘你喺戏入面个女朋友生日呀’，你知𠮶时唔可以抗拒珍姐，嗱嗱声喺沙田揸车去铜锣湾，去咗行姐阿妈间舖头度，见到行姐阿妈流晒口水望住我，‘随便坐！随便坐！’”更指行姐的其他家人都在场，所以他都要送完礼物先走得，他直指珍姐做媒人说：“好明显系摆我上台！我今日我都系咁讲，可能佢拍《皆大》征角𠮶时返去见到我File，呢件好嘢，入咗嚟咁多年冇绯闻冇嘢，几好。可能佢畀行姐阿妈睇，又有家底又冇绯闻，又冇同女明星拍拖。”

节目中兆尊讲起与老婆相处之道，分享“甜蜜的负担”，观众赞他锡老婆，他说：“一定要咁做啦，尊重女性。”吴家乐却指他不尊重行姐，他竟语出惊人：“行姐我好尊重，唔尊重食咗佢啦，我就系因为太尊重佢，当佢女神咁供奉，唔敢亵渎佢。我放生佢，要得到佢几咁易呀，易如反掌！”家乐再问：“有传行姐个女……”兆尊斩钉截铁表示：“唔关我事，我啲种梗系生仔啦，我又唔系天王！（江美仪：点解唔传宗接代？）睇到啲妹，啲细佬，我啲朋友，咁辛苦，好地地一个人瘦到咁，我仲敢生？我有做调查，问啲细佬妹，有机会畀你你会唔会塞返个细路入去，塞硬！”

行姐月前被揭原来已秘密做人母，她其后承认自己已成家立室，过著低调生活，邓兆尊就说：“尤其是行姐生完之后，我觉得我嘅决断系英明！我屋企方位已经有好多太大件嘅嘢喺度，我摆唔落更多再大件嘅嘢。你可以代行姐打我，我认嘅！”

邓兆尊异性缘一向旺到不得了，被问TVB女演员有冇用什么方法追求他，他再爆料：“有一个好厉害，我记得拍紧古装，女仔咪要着肚兜嘅，居然有一个真空，喺我隔篱弹吓弹吓弹过嚟，我坐咗喺度，佢话‘可唔可以帮我绑吓条带呀？’犀利呀𠮶个，我话你去后面啦，后面有女服装帮你绑，唔好喺我面前弹吓弹吓，好晕。”讲到对方身份，他透露：“你一定识！好身材，而家喺大陆，生咗一个嘅。”

另外他又试过同时被三个身材好好的女艺人在Canteen捉埋一角，他指对方两个姓张、一个姓麦，问他为何不找女朋友，兆尊忆述：“佢哋话‘如果你哋揾女朋友，有冇考虑过我哋呀？’我即刻答佢哋，你哋啲性格我好难接受，你哋啲嗜好我好难配合到你哋，有啲钟意饮酒，有啲钟意食烟，我话如果你唔介意俾我执一剂嘅，我都有兴趣嘅！”此外，更曾有女艺人上门求邓兆尊包养，兆尊觉得对方不是自己喜欢的类型，因此对对方说：“你夜妈妈走上嚟献身冇用嘅，不如我介绍个人畀你识好过。”

最后就把她介绍畀另一位朋友，都交往了十年。江美仪问兆尊到底钟意哪一类型，他说是肥嘟嘟，江美仪问是否要上围丰满，他竟说：“我可以操出嚟，我有操波圣手。”他说自己老婆以前身材只得“A cup”，跟他交往后身材愈来愈好，有位女艺人得知后，竟向兆尊说：“不如你帮吓我手，帮我捽大佢，我话你都傻，捽大佢，你估咁容易呀，赵小姐呀！”有网民推断，这位“赵小姐”就是已离巢无线十多年的赵静仪。