独家｜78岁秦煌手脚乏力月内两次跌倒入院　医生检查心脏出现问题

现年78岁的“金牌绿叶”秦煌晚年行动不便独居无依，今年3月在酒店房间跌倒入院，幸因祸得福，获社福机构安排入住护老院，给予每月$11,000住院生活津贴，另有$4,000综援，生活总算安顿下来。不过，日前《香港01》收到消息，秦煌在护老院再次遇意外跌倒，伤及左边盘骨，头部亦带伤，致无法站立要一直卧床。记者联络上秦煌，原来他一个月内两度入院，先整伤头顶缝四针，之后再在厕所因手脚乏力成个人挞落地，住院接近两星期，先后转过四间医院，他无奈称：“痛到我死，唉，以为断咗条腰骨，断咗就拜拜嘞！”

双腿发黑 脚踝要用纱布包裹
现在已出院回护老院休养的秦煌，坐在轮椅上接受访问，大病初愈的他精神有点憔悴，头一直垂下看来很攰，而他的双腿肿到发黑，两边脚踝都需要包住纱布，健康情况令人忧心。谈到意外发生经过，秦煌声线柔弱谓：“唉，讲起上嚟，本来冇事，惯咗入去厕所，去咗两三次都好熟，一坐低可以大便。但𠮶日可能我急得滞手力唔够，唔够力就跌咗落地下，坐喺马桶个边，痛到我死，唉，我以为断咗添，𠮶条腰骨，原来冇断到，唔系腰骨嚟，𠮶条脊骨伤咗。我医咗十日八日好番，冇断到，断咗就拜拜嘞。”而头部的伤势，则是另一次意外，他表示心落床时不小心踩到胶袋，仆倒墙角边，需要入院缝四针，现在已康复得七七八八。

否认患糖尿病

而一直难以根治的脚患，他称自己没有患糖尿病，应该是身体内部机能问题，与皮肤病有关，他说：“只脚好返架嘞，呢两日有个窿仔（伤口），有水流出嚟，姑娘同我扎住佢，但好返嘞，听日同我拆咗佢。有个叫李姑娘成日（目及）住我对脚，同我医到好为止，好叻，反而唔系好著迹对脚嘅事，最紧要屁股啲伤势。早一个月前，医生拆咗我只脚崩带干晒，佢话好事，以后唔使扎，如果你湿，搽咗啲药水会化开。”

积极治疗 有信心康复

秦煌表示住院期间，医生检查后发现他心脏有事，但他不太相信，突然变“老顽童”擡起头大笑三声：“其实我今年已经78岁，我就好信我哋屋企啲人呢，个个都好长命，哈哈哈，咁事实都系咁啰，成日都话我腰骨有事、心脏有事，冇事，有事我都唔会去医，有好多嘢自动会好，有时见到只狗冇咗只脚，死梗架啦，但整吓整吓佢跑到。”

秦煌确是一位生命斗士，意外发生前一直积极治疗，按照吩咐控制饮食、还有做复康运动，一度无需靠轮椅自己行路。问到今次有没有信心康复？他说：“有信心，但好唔好番唔知，因为啲医生好执著，又话你呢度又话你𠮶度，可能系，但我咁嘅年纪都唔理咁多。”他自言无惧死亡：“唔怕，我绝对唔怕，我有信心挨过80年代（岁），挨过80年代（岁）就到90年代（岁）啦，希望啦！”