鬼故｜胡慧冲老友分享亲身经历　做错一件事被女鬼缠身令佢跳楼！

踏入冬季就是泰国的旅游旺季，港人喜其天气相较于春夏更干爽清凉。泰国曼谷一向都是港人热爱的旅游之处，贪其平易近人的消费指数和美食等等，不过泰国不止靓人靓景、美食多，其实鬼故事、猛鬼程度也是全东南亚之最！“泰国通”胡慧冲（Roger）多年前就曾邀请了泰国导游“冬荫哥哥”在YouTube上分享撞鬼经历，更试过在当地住酒店时发生恐怖灵异事...

冬荫哥哥：“凌晨时间一点半上下，我好似听到啲敲门声，但系我觉得𠮶时唔系瞓得咁着。第二次又敲门‘卟卟’声，咁我就起身。其实我唔惊呢啲嘢，跟住我就行去望防盗眼，乜都冇，冇人㖞。我照开门，开出去冇人。OK咁我就返房瞓。”

冬荫哥哥表示，如是者，他回房间后休息，直到差不多睡着的时候：“又嚟啦，但系我感觉抖唔到气！个感觉系咪睡中里面呢，我又唔觉得系，但系有个女人企喺睡头下面，长头发，着白色长裙，跟住用两只手揿住我个胸口，揿得好大力。𠮶时我好痛又抖唔到气，跟住我喺脑里而念经，念咗一轮经佢准备跳走嘅时间之前，佢就同我一句说话。”

他续说：“‘我跟咗你好耐啦！’讲完呢一句就走开咗。我起身坐低，个心好痛。我唔谂多嘢，呢件事之后我即亭收埋个行李，收晒行李落大堂交返锁匙畀接待处。接待处人员问我咩一回事，我话：‘呢间房曾经有过嘢！’接待处就话：‘冇㖞。’之后佢又问返经理，跟住个经理唔出声。知咩事啦？”他表示，到大堂的时候已经是凌晨三四点，后来他就一直留在大堂睡觉直到早上7点才继续带团。

胡慧冲问道，之后又有没有发生奇怪事？冬荫哥哥才续说，原来这个女鬼早在事件发生的两年前就已经缠住他，令他跳楼！冬荫哥哥表示，疫情期间有一天，他如常在凌晨家中露台抽烟，之后正当他准备回到室内之际......他说：“我喺后面听到女人声，细细声讲：‘跳啦，跳啦，跳啦......’我即刻跳落去，跟住我太太就吓亲，跑落去睇我。”胡慧冲又问：“真系跳咗落去？”他回答：“跳呀，所以你留意我只脚有少少脚跛。”后来他被送进医院休息了一个月，回家后又休息了6个月。

后来冬荫哥哥解释，多年前曾遇过一个女鬼，正当他打算做功德给“她”时，遇到一名和尚告戒：“你唔好做功德畀佢，做咗佢一世跟住你。”那时候，他还是给“她”做了功德。胡慧冲又问，现在还有没有发生事？冬荫哥哥就回答：“未知。”