陈蕾撞崩牙即拍片与友人分享　洪嘉豪、Jeffrey新歌BL味浓MV互殴

陈蕾、洪嘉豪、魏浚笙(简称PKJ）齐齐开骚，除了自己歌曲外，洪嘉豪亦挑战了铁树兰嘅《游戏。游戏》，而Jeffrey亦挑选了台湾乐队东城卫《够爱》。音乐会上，惊喜一个接一个，当中包括Jeffrey同Kaho嘅新歌《我感觉到》、陈蕾、Kaho四手联弹《我想和你好好的》、Jeffrey首唱新歌《孤独美食家》、限定版《黑玻璃》。而为咗今次音乐会，苦练舞蹈嘅陈蕾，同Kaho、Jeffrey跳《伸缩自如的爱》、《我说不可以》，跳得似模似样。不过最好笑都系Jeffrey自爆小学时已经睇《亚洲星光大道》，Kaho加把口话提议过陈蕾万圣节时cosplay返当年嘅造型。

完骚后，PKJ齐齐接受访问，陈蕾表示对住Kaho、Jeffrey反白眼到眼痛地步，但亦都十分怀念彩排时乱嚟mode。陈蕾日前彩排时玩到撞崩牙，她表示“唔𠝹脷都唔想补”，又自爆当时拍片分享畀朋友笑。“当时有一秒系空白，所以后来见到崩咗少少系好开心。”

提到新歌《我感觉到》hehe味浓，问到MV会否有亲热场面，Kaho表示：“Jeffrey话再锡唔得，所有锡都畀晒华纳，因为佢锡过MC，或者可能打啰。”但Jeffrey即话：“你嘅胜算比较低。”

另外，讲到叱咤我最喜爱男女歌手，Jeffrey止步15强，但他表示已经好开心，亦完全无失望； 而首次杀入10强嘅Kaho，除咗开心都系开心，问到打算如何拉票，他表示过往都无特别行动，最多都系网上呼吁大家； 而陈蕾则打算用音乐令大家投票。