再有商台DJ张敬轩签名CD流出？　网民贴图：疑似一次过放去二手舖

近日有影音专卖店平台，以$350 放售张敬轩签名版《春•夏•秋•冬》旧唱片，帖文的图片可见，张敬轩的签名CD上款写着“Dear 细So”而下款则有张敬轩的签名。日前（12/11）细So出面坦承他就是物主，不过他就澄清自己没有转售有关的CD。张敬轩亲笔签名旧碟被高价放售　上款曝光物主竟然系知名DJ

文中他解释，因为当时被拒返公司执拾CD，虽然有同事帮手取回部分CD，但仍有部分被放在直播室。“谂住留喺度俾（畀）大家用， 点知就唔知俾（畀）边个攞咗去卖。 如果你要卖，都抹走个名同msg先呀，有我个名唔会值钱啲㗎。”其后张敬轩亦于社交平分享，其实他也经常取了其他歌手送给DJ们的CD，并谓“我会继续签畀你，不过都要等我有碟先”，成功化解了误会。细SO张敬轩亲回应卖碟事件：如果要卖都抹走个名同msg先呀

日前（14/11）亦有网民在社交平台分享，表示十多年前商台疑似有一批CD碟被放到二手CD舖售卖，更猜测早前的张敬轩签名版《春•夏•秋•冬》旧唱片可能经已易手了数次。这位网民也写道：“大约十几年前，某间二手CD舖大量涌现903 DJ嘅歌手签名碟，有啲碟甚至离谱到同一只碟有齐唔同903 DJ上款嘅签名碟任君选择。”

帖文底下，也有网民分享也曾于二手CD舖见过有歌手签名给DJ的“特别版”唱片CD：“其实都唔系新鲜事，个个电台都会出现呢啲情况”、“试过同一只碟to唔同DJ，卖唔同价”、“之前见过泳儿送俾林夕嘅《花无雪》”。也有网民说，有“特别版”流出是正常的：“香港地边有咁多位摆”。

《香港01》就此帖文向商台903DJ 森美查询，他回答：“而家CD数量少啲，一年可能几十只，以前系每个月都几十只。咁我哋梗系会摆唔同地方，有啲喺屋企，有啲会播嘅就会摆喺录音室，直播室，唔同地方。我谂情况都系个个唔同，细So我睇报道就话佢有返嚟攞，（CD）点样被处置就唔知，但系我哋DJ通常都会摆喺屋企收埋，有签名𠮶啲除非系畀自己啲朋友，同埋信得过嘅朋友。譬如我𠮶个Friend好钟意个artist嘅，‘呢张有佢签名㖞，我送畀你啦！’我哋做行内人嘅，有时又会割爱送畀好朋友，或者真正嘅fans，但系本身我哋都系摆返自己屋企keep。”