黄建东自爆突患中耳炎刻意隐瞒剧组　听力剩两成：惊之后听唔到嘢

黄建东今日（15日）出席《黑色月光》宣传活动，他在接受《香港01》访问时表示：“今次角色就系做王浩信嘅best friend，个剧情好有义气喺度撑佢，陪佢分担开心唔开心嘅时刻，我睇返套剧我最深刻系𠮶阵时我嘅肚腩，𠮶阵时系肥30磅，我坐咗喺度食紧朱古力，爆钮个样系惨不忍睹。”

自爆突患中耳炎听力剩两成

黄建东透露在新剧当中主要与张颕康和王浩信有对手戏，并表示：“嚟紧播嘅一场戏自己都有少少眼湿湿，有内地嘅朋友睇完都觉得好唔同，觉得好好睇。”被问到拍摄剧集最难忘的地方，他坦言：“𠮶阵时喺深圳自己都病咗，患咗中耳炎同埋耳仔积水，𠮶一场戏就系啱啱发紧烧嘅时候拍，又发烧又发冷感染咗，所以精神状态就好攰，但系好难得有感性嘅气氛，所以都唔够胆俾病困扰自己。”

黄建东续指感冒菌入侵令到左边耳仔听力只得两成，并表示：“我唔够胆话畀人听惊拖慢进度，更加唔够胆请假，有阵时对手讲嘢都听唔清楚。”提到王浩信有否特别送上慰问，他说：“𠮶阵时我喺剧组完全唔够胆讲，我惊讲完之后唔知会点。”他真情剖白：“惊之后听唔到嘢，后期食晒啲药觉得耳仔嘅听觉好似未好返晒，医生叫我去做一个听力测试，前后要三个月先好返！”

搭港铁被网民捕获零化妆倦容

被问到较早前在港铁被网民偷拍私底下的一面，他表示：“我化晒妆靓仔嘅时候就冇人理我，偏偏我𠮶一日零化妆，仲要着得好核突去做Facial同埋健身，就俾人哋偷影咗，我觉得做艺人就有少少无奈，有好多网民留言话好支持同鼓励，同埋话周润发都会搭地铁，𠮶样嘢其实都系好温暖。”他幽默表示：“之后出街嘅时候都可能会戴口罩。”