才子王贻兴转行教玄学准备半收山 力数学生反口走数令他身心俱疲
曾经以作家及才子身份走入娱乐圈做幕前，主持《最紧要正字》成功入屋，现年47岁的王贻兴，渐渐退出幕前转行开班教人紫微斗数，近日突然宣布农历新年后就会“半收山”，更力数有有学生反口走数拎着数，令他身心俱疲。
当年离开TVB后，王贻兴在2018年为ViuTV剧集《VR驱魔人》演出兼出任导演加编审，及演出Viu另一套剧《黑市》，从此绝迹影视圈，改攻玄学界发展教紫微斗数，亦会帮人睇命盘。出PO表示晚晚教班教到深夜，打算喺农历新年后就会“半收山”：“以后净系同啲旧生开心见面食饭唱K打篮球，只做熟客批命风水，唔会有人揾得到我㗎啦😎呢几年最辛苦其实唔系喉咙或者身体积聚嘅劳累，而系……对人性嘅丑陋同埋心灵上面嘅疲倦，真系去到燃烧殆尽嘅临界点了。”
王贻兴留言渐激动：“作为老师，学生对住你，多少总有几分礼貌同尊重，但同时我嘅助手们，多少都会话返俾我听，一啲对住你就好有礼貌，一背住你对住助手们，就态度大变、横蛮无理，提出各种过分要求，或者好多出尔反尔嘅人性丑陋实录🥲好多太核突嘅我为存厚道都费事讲，只系讲少少BB辣嘅级数例子：譬如几年前上过入门班初班，一早已经冇再继续读落去，但几年后突然WhatsApp返你，问你明年后年流年嘅私人问题，你都要免费帮佢开盘答佢☺️助手有礼貌婉拒，佢就闹返你转头，变咗系你唔啱，仲要再PM我投诉，你话系咪好癫先🙃”
他更坦言常被走数：“相比之下，报名入数最后又诸多借口反口走数已经系碎料，但仲要行去你面前呃你话我已经报咗名，叫你免费指点佢一啲同课堂无关嘅私人家居风水/命盘问题，或者其他同教学冇关嘅各种搲着数行迳，上完最后一堂前捉住你问晒全家祖宗三代三姑六婆到2046年嘅流年问题，甚至有啲义务帮完佢哋解决问题之后，佢哋答应会做善事或者还神，最后当然又系过咗海就神仙，睬你都傻，已读不回……🥲😮💨🤡当你每堂每个学生都尽心去教，堂堂超时delay，你学紫微但我好心教埋你风水，连你家人有事我都上心尽帮，甚至落堂凌晨都仲要覆Facebook IG嘅PM，永远只有比多，从冇比少，但最后换嚟嘅，系一次又一次，越嚟越频密嘅上述经历，我呢啲高敏感嘅i 人，顶咗三四年，其实已经好叻仔㗎啦😇😮💨🙃”