保锜主持日本节目被轰低俗不雅　对小朋友讲AV用语惹反感后咁回应

近日ViuTV正播出由蒙嘉慧（Yoyo）、保锜@ERROR及陈海宁（Dee姐）主持的节目《呢度住吓 𠮶度住吓》，拍摄褔冈生活，能够邀请到Yoyo出山，观众份外期待。不过节目播出后，网民就发现保锜常常在节目讲黄色笑话，又指他对住小朋友讲AV常用用语“Kimochi”、“热菇热菇”、“Yamate”等，教坏细路。事件引起热议，而保锜亦终于在社交平台回应。

《呢度住吓 𠮶度住吓》由Yoyo带保锜和Dee姐认识福冈生活，以往保锜拍住ERROR主持节目，风格敢言搞笑，但今次他在节目的表现就有观众不太受落，网民频频去ViuTV留言批评，亦有在讨论区开Post。Yoyo于首集带两位后辈去跟小朋友学剑道，保锜叫小朋友帮自己绑好件衫，而期间他突然说：“Kimochi（舒服）”、“iku（去了）”、“Yamate（不要）”，小朋友都吓亲并退后，而Dee姐亦试图制止保锜，说他教坏细路，还跟对方说：“你一讲热菇，佢即刻咁样（吓亲），唔敢行近你。”

另外，有一幕主持人去民宿，保锜和Dee姐拖著羊去散步，他们以为两只羊一公一乸，羊的名字一只叫Haru，一只与保锜绯闻女友菊梓乔一样叫Hana。Dee姐问两只羊是否情侣，保锜说一定是，“一个问题，呢个世界得返我同你……”Dee姐即抢白：“都唔会！”保锜再说：“好简单嘅问题啫，一系我强奸你，一系你杀咗我。”Dee姐听到Hang机，不敢相信自己耳朵，再问：“你强奸我？”保锜则解释，世界只剩两个人时，还能怎样。

之后保锜又好奇负责人是否刻意分开两只羊，不让牠们繁殖，Yoyo的日本拍档Erica说：“真系要问呀？系啰，你问吓，用啲身体语言问下。”于是保锜当著几位婆婆及日本女性面前，做出罗志祥招牌动作，对著空气光速前后抖动的动作，日本人亦看懂他的意思，做交叉动作回答保锜问题，原来两只羊都是雌性。

节目播出后，网民去ViuTV社交平台留言轰保锜低俗失礼，影衰香港人，留言：“平时主持之间点口贱都冇所谓，喺一个讲礼仪嘅地方咁样玩？”、“好似揾咗个厌世版嘅阿叻嚟做”、“一个角色错，影响全节目。”、“佢拍住ERROR，拍住媚姨冰姐呢个vibe，呢个态度仲可以，不过呢个节目真系应该好静咁欣赏Yoyo点带我哋去参观，佢用返呢个态度就破坏晒，同埋突显咗佢弱点。”网民亦在讨论区开Post批评他非常不雅。

昨日（12日）保锜在IG限时动态出post，留言：“错就认，打就企定，对唔住，大家我系做得唔好。”之后他在IG出了一条搞笑片，写下：“拍片求自己开心，我真系好钟意搞笑。”又表示搞笑真的不简单。有网民留言批评他在节目的表现，指他根本不好笑，保锜都有回应。有人问：“好钟意搞笑好钟意搞笑！成个节目咪俾你搞弯晒啰！你啲笑仲要唔好笑，系低级趣味呀！你成日话好爱你公司，呢个节目真系多得你唔少！你都30几岁啦，可唔可以成熟少少啊拜托你！”他回应：“收到，会学习如何高级趣味🙏🏻 感谢大家留意节目”。

另一留言说：“真心睇唔明点解viu仲要俾机会你，仍然系一个自大 自以为是 无料扮4条，唔大只又喺到自我满足既人，作为观众其实真系睇到好尴尬，其他主持想认真专业做好个节目，都真系俾你破坏晒”保锜回复：“我都唔明，其实真系揾其他人好啲，我呢种扮搞笑又冇料，做唔到高质旅游节目，我会自己收皮，多谢你浪费左宝贵的时间系我身上! 感谢🙏🏻”

另外有网民说：“有冇谂过对住小朋友𠮶啲行为其实系性骚扰，同埋完全唔搞笑，你有冇睇返个小朋友嘅样？系好惊你咁做。不过都唔止系你一个人嘅问题，剪埋落去播出街，监制真系觉得冇问题？”、“其实你唔止一次系电视机前有咁既行为。有没有反省？成日话运动带俾你正面影响。呢d黄色笑话行为完全表现得好低俗，你不再是小孩，你出席得讲座，节目，作为公众人物一定有人以你为榜样，何解会变成咁？搞笑系咁咩？”保锜回答：“我会留意，感谢你🙏🏻”