细SO张敬轩亲回应卖碟事件：如果要卖都抹走个名同msg先呀
撰文： 洪晓璇
出版：更新：
有二手唱片店在社交网放售张敬轩签名版旧唱片，最离奇是签名之余有留言有上款，收碟者更是知名电台DJ曾在商台工作20年的细SO苏耀宗﹗事件耐人寻味在网上发酵，两位主角同日网上亲自回应。
社交网放售的版本，有张敬轩签名更写下留言︰“Dear 细So,好多谢你一直以来都支持我嘅音乐！希望你会钟意呢只碟！。”上款标明为细So，疑似显示物主为前商台DJ细So 苏耀宗。细SO在社交网发文回应笑称：“如果你要卖，都抹走个名同msg先呀，有我个名唔会值钱啲㗎。”
细SO表示：“多谢各位关心！当日冇得返旧公司搬走我啲CD，后来有同事帮我攞返部份碟。其余仲有好多一路都放喺直播室，谂住留喺度俾大家用，点知就唔知俾边个攞咗去卖。如果你要卖，都抹走个名同msg 先呀，有我个名唔会值钱啲㗎。@hinscheung 今时今日我都仲系一直咁支持你 同你嘅音乐!”
轩仔亦亲自回应：“🤣 其实我以前喺两间电台出没猎猎埋埋都好多其他artist签畀各位DJ嘅碟🤭 我系出咗名嘅cd大盗，查实呢单嘢系唔系我经手嘅我都唔敢肯定🤣🤣🤣不过应该机会不大，因为我唔系好接受到自己个发型🐷我会继续签碟畀你，不过都要等我有碟先，好快有好快有 😎Love you 🫂”得轩仔力撑，细So即回复︰“等你好耐啦，多谢你先！今次我发达啦 love you🫂🫂”。