陈慧娴为明年40周年个唱闭关操弗　想请呢两位小鲜肉做嘉宾自肥

陈慧娴将于明年1月底第6度踏上红馆舞台，举行《The Fabulous 40 Priscilla LIVE IN HONG KONG 陈慧娴演唱会》庆祝出道40周年。陈慧娴今日（12/11）为个唱宣传，她接受访问时，希望今次为歌迷呈上一个全新的演唱会：“我唔想好怀旧嘅感觉咁。”

陈慧娴上一次在红馆开演唱会已经是2016年，相隔9年再踏上这个香港歌手至高的舞台，陈慧娴表示开心和兴奋，因为是庆祝入行40周年，希望再站上红馆舞台与歌迷见面，一起开派对，“其实今次我无咩压力，因为我当系新嘅演唱会去做，40周年只系一个名目，当然系庆祝，但唔会由1983年出道讲起，唔想好似讲历史，同好怀旧嘅感觉咁，始终我都系想做modern啲嘅嘢。”

演唱会以“花”做主题，陈慧娴解释代表著她人生和歌唱事业的旅程，由萌芽、盛放，到收埋，再盛放；而演唱会上的服饰也会有“花”的感觉，会有七个造型。问到会否呈现性感一面？陈慧娴笑说︰“对我嚟讲系唔会著性感衫，如果我有身材，著三点式都得，不过我无咁嘅身材，啲衫最紧要靓。”

舞台方面，陈慧娴今次选用四面台设计，与观众拉近距离，她说之前都试过，体力不是问题，最大问题是鞋，一定要舒服，就不会那么容易累，“同埋今次我哋舞台上都会少啲楼梯，尽量平地，始终女仔著高踭鞋，会担心仆亲。”

离开骚只剩两个月，为以最佳状态示人，陈慧娴直言今日开始闭关养声和Keep Fit，“我唔系要操肌，我系要Fit，上台好睇。我依家120多磅，希望瘦多20磅。”

至于那么多金曲，拣歌会否都拣到头痛，陈慧娴称又不会，今次音乐团队非常好，让她选自己想唱的歌，然后就按每一part的内容放进去，“其实拣歌唔难，有啲系必须唱，例如《千千阙歌》、《傻女》呢啲。（有冇谂过就系唔唱呢几首？）我谂都冇乜问题，系出唔到红馆啫。”

除唱歌外，陈慧娴预告个唱上都会跳舞环节，会有一段Dance Medley，也会加入戏剧元素，在台上与舞者做戏，“仲有一part我系会自己同自己唱歌，大家会见到有唔同嘅陈慧娴喺台上。”

问到演唱会嘉宾，陈慧娴说同公司的希望请到张敬轩和Twins，“Twins好畀面，次次（演唱会）彩排都唱《跳舞街》，希望今次可以同佢哋一齐玩下。我都好希望轩仔嚟，未同佢合作过，但佢成日话由细听我啲歌大，好钟意我啲嘅，好多佢都识，听讲佢喺澳门开演唱会场场都介绍我，佢都话希望嚟我演唱会。而且我今次仲有首新歌系Aga（江海迦）作畀我嘅，希望顺利成章嚟一齐玩。”

陈慧娴续言是次个唱亦希望与多些年轻一辈合作，将自己的歌曲传承给他们。陈慧娴心里更有两位心仪小鲜肉对象，想邀请他们到时来做嘉宾自肥，一个是Jeffrey（魏浚笙），另一个Edan（吕爵安），“我觉得Jeffrey好靓仔，我第一次见佢系喺电视，佢出席音乐颁奖礼，我话：‘哗！咁靓仔嘅？真系好靓仔㖞！’希望可以见下真人。另外Edan我都好钟意，欣赏佢努力、识讲嘢、搞笑，几好的一个年轻人。”而陈慧娴早前曾任《中年好声音2》评审，会否也邀当中歌手出席？她笑言：“肥妈吗？（古淖文、谭辉智？）我睇吓佢哋个期点。”

陈慧娴当年以女子音乐组合“少女杂志”身分出道，问到40周年这个具纪念性的日子，会否邀请两位队友黎芷珊和陈乐敏在台上聚旧？陈慧娴称相信黎芷珊会来看骚，但若叫对方上台唱歌应该不愿意；而陈乐敏就已经移民做了太太，没理由突然叫对方走出来上台：“可能心脏病发都似，哈哈！”

此外，陈慧娴私下与蔡一杰是相识多年的好友，蔡一杰早前自爆完成脑部肿瘤手术，陈慧娴称对方做手术前她已经知道，“我谂佢依家OK嘅，我哋做朋友唔会下下问住，但通过一啲共同朋友，我知佢系OK嘅。（会唔会邀请佢嚟睇骚或做嘉宾？）如果佢觉得系ok，休息够又想嘅话，当然欢迎。”