专访｜COLLAR唔同意因MIRROR令星途变难行　芯駖：冇佢哋可能仲难

前阵子不止一次看到一些网上留言，说COLLAR在3月开完演唱会后，已半年冇出团歌，亦很少有团队动向，居然推论到七位是否要解散，各自作个人发展。而在今个11月，她们不但终于出歌，更一连出足五首新歌，兼推出首张EP《Unit 1201》，给粉丝送来超大礼。新碟概念有如美式公路电影，记载她们出道至今一个小旅程，其中《CALL BACK IN 20》亦展望20年后的生活。早前在《MATCHICAL LIVE 2024》上，MIRROR的Stanley说觉得MIRROR令COLLAR的路变得难行了，在《01娱乐》访问中，她们亦首度回应。

场地：No.5 Studio
化妆：San Chan、Percy Shing、Janice Wong、Cathy Zhang、Meow Chan
发型：Taurus Lee、Ricky Lam
形象：Daniel Cheung
造型：Alyssa Lai、Natalie Lin
牛仔裤：moonlightgangsters
鞋履：Dr. Martens

Candy著极高高踭鞋拍MV顿变巨人　行路难过平衡木

近年歌手都愈来愈少出实体碟，而今次新碟制作可说是落重本，全碟都有拍MV，更远赴越南取景，造型、美术、拍摄全部都是高水准，碟名《Unit 1201》象征COLLAR的出道日期1月12日，几首歌MV串连成一个故事，大家凭著“1201”提示去重新集结起来。几位透露身边团队都隆重其事，至于COLLAR各自又出了什么大绝，王家晴（Candy）就说自己要身穿“高跷”般的高踭鞋行路，鞋踭拍得住小腿那样高，她在冇扶手情况下要行来行去，有如玩平衡木，“都好重㗎，只脚喺度负重，又唔想行得太奇怪。（有冇失平衡？）冇呀，紧握拳头，挺胸收腹，然后擡起脚，好似巨人咁！”

Marf揸电单车一载阿Day即搞唔掂　要揾替身帮手

陈泳伽（Winka）在《HOME RUN》MV中要“跑步发电”，为了影到最靓效果，她跑足成粒钟，“佢哋系咁叫我眼神要坚定啲，但我跑紧唔会坚定到。”至于一向有型的邱彦筒（Marf）更要揸电单车上阵，直言地狱级辛苦，因为自己根本唔识揸，两秒镜头拍足成粒钟，“𠮶个Shot系要我睇吓可唔可以冇人扶之下，行到大概一两米左右，跟住停车，做晒所有步骤，跟住我就除头盔。我自己一个Rehearsal嘅时候都仲得嘅，但系因为阿Day要坐喺我后面……”此时其他成员哄堂大笑，Marf续说：“系唔关你哋谂紧嘅嘢事！但纯粹因为有多一个人，所以我handle唔到啫。”她都忘了自己最终是如何做到，既要有人扶，又要有女替身帮手。

后座的许轶（Day）却说：“我都惊嘅，不过又觉得……其实都唔惊？”虽然听落都十分玄，但了解队友的Marf就补充：“惊，但知道唔会出事，我见到第二日你坐住我替身架车咁安心，我觉得有啲唔开心，我觉得畀唔到呢份安心你。”Day不讳言坐电单车好好玩，“我同替身拍嘅时候，佢有啲肌肉，讲到好正咁。（Gao：你摸人哋呀？）佢话叫我捉实，然后叫我喺架电单车度企起身，我𠮶刻唔知点解好信佢，一秒就企咗喺度，跟住啲风吹埋嚟，𠮶刻觉得好似真系喺个电影里面去紧一个Road trip嘅感觉。”Marf听著听著表示不甘心，希望将来考电单车，要Day再坐自己车尾。

Ivy自认唯一识棍波成员做司机担当　阿Day一秒踢爆真相

而一讲考车，苏雅琳（Ivy）便接话：“我觉得今次系司机担当，因为我系COLLAR入面唯一一个有棍波牌嘅人啦，老爷车全部都系棍波，为咗剧情合理性，就揾咗我去做司机兜大家……”话音未落，Day即踢爆：“都唔系你揸！揸车𠮶个系男人嚟㗎， Ivy嘅替身系我哋副导演，佢就系一个男人，然后𠮶时就着咗Ivy嘅小背心做Ivy嘅替身。”至于Ivy何不亲自上阵，她笑笑谓：“因为我今年仲系P牌，我未换到国际牌。（讲到咁劲！）都劲㗎喇！一Take pass、两Take fail、3 take⋯⋯（Gao：你调转晒！）”

歌词话廿年后成员已40岁　Gao自嘲：我同芯駖唔系啦

专辑中的《SSS》其实是“湿湿碎”意思，也是COLLAR首次推出全中文的歌曲，歌词方面交由钟说操刀，她曾问各成员若然出走最想抛低什么，Ivy表示：“另一个访问问我哋几时最感受到团魂或者几时最深刻，我自己觉得每次出国做嘢嘅时候，我觉得我哋可以除咗顶帽，喺街上面发癫，我觉得系好开心嘅事，所以我同佢讲我哋抛低顶帽。”Marf却扁嘴：“你都冇同我哋出街。”原来因为Ivy到埗第二日已经病，其他成员抢白说：“跟住到我都病喇！”原来COLLAR在旅程中轮住病，李芯駖说：“我哋一齐病就证明我哋有团魂，因为我哋真系好熟，一个病就一齐病，大家都完全唔顾忌咁沟通。”

芯駖以往曾因年龄被一些人认为不适合入女团，不过她亦早已看开，甚至在新歌中幽自己一默。《CALL BACK IN 20》由Jerald作曲、编曲和监制，Jerald要求她在英文Rap词中加句“吓？”她最初亦不明所以，Gao就解释：“𠮶句讲紧20年之后我哋都40岁啦，而我哋𠮶阵时有犹豫嘅，系因为其实我同芯駖就唔会系40岁啦，当佢哋40岁𠮶阵……”Marf谓：“不如如果芯駖唔介意嘅话，录呢度𠮶阵可唔可以叫佢‘下’一声呀？跟住大家做咗，有小幽默喺度。”芯駖毫不介意，又表示自己想像到20年后重听这只EP，也会好有画面，她也不断想像成员在20年后的模样。

想像廿年后生活　Winka要生足四个Ivy扬言收购ViuTV

问到各成员觉得20年后的自己会在做什么，现正读大学的Candy，竟说20年后会继续读书，例如动物传心、动物心理学之类，更大爆：“可能唔做Artist净系读书啰！”似提早预告引退。芯駖就想像自己到时会归隐田园，可能会继承Candy公公衣钵去耕田、种蕉；Gao觉得自己要不就开动物园、要不就是做高层，“我句歌词就系‘做幕后望住电视也叹气’，咁样㗎㖞，感觉会唔会系电视台高层呢？会唔会系金牌经理人呢？尽得戴颖真传！”Winka就觉得自己到时已是个师奶，一早决心要结婚生仔的她，会带住小朋友去骚扰COLLAR：“我一定要生四个小朋友，因为生一个太孤独，生两个有一个Gap，跟住生咗两个之后又有一个Gap咁样。”

近日进军大银幕拍摄《寄了一整个春天》的Marf，希望自己20年后仍在拍戏，但就想去外国拍科幻片、演外星人。而Day就觉得，人愈大就愈难约齐人，自己会尝试团结队友，相约她们出来Re-U、开演唱会，Ivy即大叫：“COLLAR 30周年金曲精选！”虽然Ivy对将来没太多想法，不过队友却认定她会做女强人、阔太，她于是说：“我希望可以发达！然后收购ViuTV、MakerVille！（队友：哗！）然后我觉得COLLAR要Re-U，之后开好多个演唱会！自己投资自己赚，我会畀好少钱你哋！”似乎谂起都开心。

首度回应Stanley曾指MIRROR令COLLAR星途变难行

COLLAR成团至今两年几，中间经历过起起跌跌，试过休团，又试过有成员离队，至今终于出碟，都说得上是一个里程碑。早前Marf、芯駖、Winka与MIRROR的柳应廷（Jer）、李骏杰（Jeremy）及邱士缙（Stanley）开《MATCHICAL LIVE 2024》音乐会，Stanley突然说：“因为我哋（MIRROR）嘅关系，佢哋（COLLAR）难行咗，但系几难都好，佢哋都继续努力向前行……”当时Marf和Winka都不禁泪崩，问COLLAR如何看待Stanley这一番说话，Gao认为难行或易行都没有绝对答案，当一个人或一班人去做一件事，都一定有高有低、有难有易，过了难过的阶段，其实有机会更难也说不定。芯駖想法类同：“冇佢哋可能我哋会更难行呢，如果𠮶时冇咁发生，系咪就会好啲呢？可能会更差。”

而Gao亦谓：“唔系MIRROR，我哋唔会一开始就咁多人注意我哋，或者想睇我哋表演，所以好balance，大家都系经历啰。”Marf觉得整个行业之中每个人都很努力，香港娱乐事业的确在发展当中，COLLAR亦很努力想为香港做音乐作品，“所有人都唔系最易行嘅。”芯駖续说：“每一个创作人都系用心，用心嘅嘢都一定经过艰苦嘅过程，一定系难行，冇一条路系易行嘅。”Winka亦附和，其实各行各业都难行，每个人都有自己难处。