巾帼枭雄之悬崖｜谢雪心忆早年曾被怒掴整日：食只蕉都擘唔大口

谢雪心（心姐）今日（09/11）出席TVB剧集《巾帼枭雄之悬崖》宣传活动。剧中尚未出场的她身份令人好奇，她接受《香港01》访问时表示，剧中她饰演 朱薇（薇姨），虽然角色在第15集现身，却对推进剧情相当之重要。她说：“我觉得唔紧要，因为呢个戏一路舖排落去，我又唔想咁快爆料。佢喺度嘅时间有第二个角色，我又一定要等佢死㗎嘛，到佢出现嘅时间，就会出现一啲可歌可泣嘅剧情。佢行每一步都系为咗某个人。”

即是说，谢雪心（心姐）在《巾帼枭雄之悬崖》中的角色朱薇（薇姨）最重要？她透露：“咁又唔好咁讲，但系最后一集大家都估唔到嘅。（即系最后一集先知？）冇错！佢点解一路都咁样做呢？其实到最尾大家都知，睇到最后一场𠮶一幕，大家都会戥我心痛。”

提起心姐的演出，相信大部份人都会想起谢雪心怒掴王浩信23巴的画面。心姐分享了“掴人的技巧”。她说：“好紧要！譬如我哋有戴戒指嘅话，一定要除晒佢，因为会刮到人。最初某一个戏，场场都俾人打，某一个戏。问题系佢隔几集，唔同集数就打，但系佢摆埋同一日拍，因为都系𠮶个场景。我都唔知，打完之后返屋企，夜啦食只蕉啦，但系呢度（指住牙骹位置）已经擘唔大。”

她又分享说：“第一，千祈唔好打近耳膜，最后就系有啲肉个位。第二，俾人打就要一take过，打多几吓就好阴公！《巾帼枭雄一》小红姐（惠英红）咪打我啰，𠮶吓好劲但系GOOD！点解呢，一take过，我企喺度直情打到我后退几步。哗！呢啲咪好啰，我又唔钟意‘因’住，又唔钟意借角度，要逼真。”