金刚恨返无线拍剧 但淆底唔敢开口问曾志伟：系啱嘅佢哋就会揾我

金刚今晚（8/11）现身电视城出席无线综艺节目《奖门人台庆感谢祭》录影。金刚受访时表示：“对上一次返嚟嘅时候，奖门人话最后一次之后会唔做，又系佢自己讲话唔做，又唔系我讲，今次跟住佢又话要做，我又要飞返嚟啰。（想唔想返嚟无线拍剧？）通常如果无线有揾我嘅话，我系冇问题㗎。之但系根本冇人揾我嘛，哈哈。（今次返嚟亮相节目有冇酬金？）都有餐饭食，同埋有车搭嘅，不过我觉得呢啲就唔系讲钱嘅，而我觉得系一种情意结，始终《奖门人》对我嚟讲系一位恩师嚟，咁所以佢一叫到，我点都会嚟。（会唔会借机埋身问志伟搲捞？）呢啲嘢我系好少咁做，我觉得系啱嘅，佢哋就会揾我，就好似《奖门人》啱我咪返嚟啰，不过一阵试吓揽吓佢大髀问吓有冇嘢俾我做先。”