唔讲得｜叶童与黄德斌首次合作舞台剧做夫妇：外表粗犷但内里温柔
撰文： 吴子生
出版：更新：
叶童和黄德斌首次合作演黑色话剧舞台剧《唔讲得》，今日（8/11）于西九戏曲中心大堂进行彩排。对于二人首次合作便饰演两夫妻关系，叶童受访时表示：“虽然我同佢系演一对夫妇，但演演吓又唔系夫妇，当中我同佢系有好多紧扣嘅关系，咁所以其实我哋嘅关系同情绪，每一场戏都唔一样。有阵时会好好，但有阵时就好差。（有冇唔小心俾德斌电到？）哈哈，佢而家喺我隔离，咁所以我梗系要话有啦，有呀，好电好晕呀。不过讲真佢份人都好有风度，佢一个好温文尔雅嘅人，虽然佢外表就比较粗犷啲，但事实佢个人都好温柔。”
德斌接著说：“其实我哋喺剧入面，有好多对白讲起上嚟系会比较跷口，但经过咁多次密集式训练，我哋已经背到好熟。始终啲对白系好生活化，生活化到都唔知自己系讲紧对白，因为你唔会记得自己讲过啲乜嘢，但你而家就要记住自己讲过啲乜嘢，所以就好似讲完就好似冇讲咁。”
提到有人在社交平台放售《唔讲得》舞台剧门票，更宣称可以到后台影合照。叶童表示：“绝对系冇啲咁嘅事，而且我哋又唔会咁市侩，唔一定要买飞先可以影相嘅，不过但最紧要系关系好啰。”