梁浩贤自爆理想婚期　讲明开骚冇求婚环节：费事骑劫咗个演唱会

撰文： 张祖铭
出版：更新：

颜米羔、刘威煌、梁浩贤和甘永杰今日（6日）出席《ZONE D FUNtas4ic 音乐会》释出会，这次音乐会将于11月16日(星期六) 在旺角麦花臣场馆举行。甘永杰接受访问表示：“我好紧张又兴奋，好紧张表演好唔好睇？观众会唔会投入？”梁浩贤透露等了23年终于有机会开骚，并表示：“虽然我哋系四个人去表演，但系有一个环节系我自己，我成日去睇演唱会都会谂如果自己有机会开骚，究竟系点样会表演到自己，呢一次嘅单元我会浓缩点样去表达自己，讲晒我做歌手嘅感受。”

颜米羔、刘威煌、梁浩贤和甘永杰今日（6日）出席《ZONE D FUNtas4ic 音乐会》释出会。（叶志明摄）
梁浩贤透露等了23年终于有机会开骚。（叶志明摄）

甘永杰分享：“演出嘅时候我会去表达我由细个点样去追梦嘅心路历程，台下应该好多人都会有共鸣。”梁浩贤被问到今年是否会与女朋友结婚，他表示：“上次开直播有讲呢件事，我有计划嘅但系唔系今年，我有好消息就会同大家讲。”他透露希望下年结婚，并表示：“都会谂住俾啲惊喜对方。”被问到会否在演唱会期间顺便求婚，他坦言：“今次唔会啦，费事骑劫咗个演唱会。”甘永杰笑说：“唔紧要㗎！我将我唱𠮶个环节俾埋你。”

甘永杰有望透过演出表达追梦的历程。（叶志明摄）
甘永杰和梁浩贤接受访问。（叶志明摄）
梁浩贤自爆渴望与女友明年拉埋天窗。（IG图片）
音乐会将于11月16日(星期六) 在旺角麦花臣场馆举行。