CASH颁奖礼｜尹光杀入男歌手奖最后5强：好坦白我系冇乜信心

“第22届CASH金帆音乐奖”颁奖礼，昨晚（5/11）假湾仔会展举行。今年80岁的鬼马歌王尹光（光B)主唱的歌曲《Dear Myself》分别有份角逐“CASH最佳歌曲大奖”、“最佳旋律”、“最佳歌词”和“最佳编曲”奖项，而他个人亦入围“最佳男歌手演绎”杀入最后5强，与林家谦、张敬轩、吴林峰和冯允谦争高下。

对于有5个提名，光B接受《香港01》访问时表示：“好开心有5个提名，之前系未试过。如果你问我有冇信心，好坦白我系冇乜信心，因为对手太多强，其中有几个都好强。当中知道有轩公（张敬轩），林家谦，净系呢两个就已经唔使问。（前一晚打俾轩公求让路！）哈哈，呢样嘢冇得让路，因为系人哋选出嚟，就算佢话让都唔得㗎，记得上一次喺《叱咤颁奖礼》轩公就攞咗冠军，佢真系客气话，多谢光B让俾我。我就同佢讲，轩公你千祈唔好咁讲，你系实至名归。”