GD型爆现身低调派心 发哥妙论腿部肿包 笑称唐诗咏“无得医”

国际时装品牌CHANEL时装展今日（5日）喺香港知专设计学院举行，第二场有万众期G-Dragon，身穿品牌经典粉红色tweed jacket 嘅GD一洗昨日来港嘅“奶奶”味，一走进传媒室即引起全场哄动，影相时亦有应传媒要求派心。

周润发夫妇以神秘嘉宾身份压轴出场，发哥笑称今日系教授look ，又透露明年渣马前夕，将会参加港珠澳半马，并表示半马已经系极限。对于被网友影到腿部出现肿包，发哥解释是用锤仔打肿。“唔痛，用红花油捽就散，但要小心，大到乒乓波都可以接受，但如果网球咁要入院，菠萝咁就急症室，而家未到菠萝。跑得多就会细返，如果你哋见到菠萝就应该一年无跑。”发哥又笑指网友有白内障所以睇唔清其腿部状况，又笑指是谷气而成。

发哥早年曾在Mama颁奖礼上与BIGBANG同台，又齐齐跳舞，他表示已今晚一定要揾GD集邮，又问传媒。“唔知佢定我后生咗呢？佢一个人嚟咋？”叫他集邮后一定要分享，发哥即表示无用社交平台，甚至连手机都系Nokia。

提到早前被捕获帮唐诗咏松骨，发哥即谓：“佢大镬啦，无得救，就死得。（周大夫觉得佢无得救?)尽人事啦，睇佢畀几多钱。（你收费如何？）佢有啲游魂，佢撞得嘢多咪硬晒啰。（搞几耐先好返？）佢呢排开咗张（面包店）好似好啲，冲喜咗。”