【赌城群英会】麦明诗荧幕初吻献俾鸭王 埋位即咀：完全无刷牙！
撰文： 温菁莉
出版：更新：
《赌城群英会》仲有一个星期就播完，昨晚剧情就讲到何浩文饰演的潇洒哥向屠若兰（即系麦明诗）求婚，虽然潇洒哥只是用条橡筋做戒指，但若兰都已经冧哂，求婚成功后，当然要kiss先完美喇。原来呢一幕就是麦明诗嘅“荧幕初吻”，她接受《香港01》访问时见到呢幕就话，“So Funny！！但我地真系无口水交流！”
问到何浩文好唔好咀？麦明诗就表示只是蜻蜓点水式，“其实我地真系无口水交流，就咁kiss一下。”她仲剧透之后有一幕结婚戏会再咀，“都系蜻蜓点水式，唔会好激！”提到唔少艺人每当拍嘴戏前都会做足准备，相反麦明诗就直言乜都无准备，“完全无刷牙、无漱口水、无食香口胶。”佢透露当时拍摄的时候，都见到对方无事前特别做准备，咁何浩文好唔好咀，感觉如何？她说，“咁佢都有好多拍摄亲密戏嘅经验，所以有个前辈系度，都会容易啲入戏。”
讲到有网友在论坛“疯狂洗版式”讨论麦明诗嘅演技，又话把声好烦，演技衰过中学时话剧，仲叫TVB不如安排下佢入《爱·回家之开心速递》浸淫一下，训练好演技先。引来咁多负评，麦明诗都话已经收到哂，仲话，“我会加油！”系咯，大家不如俾啲时间佢喇！