蒙嘉慧最爱福冈人情味 完成“吉祥物”任务将减少留日时间
蒙嘉慧自婚后休养生息，近年更在福冈协助朋友打理地产公司生意，以为从此绝迹幕前，却又孖住保锜、“Dee姐”陈海宁主持ViuTV旅游节目《呢度住吓 𠮶度住吓》。蒙嘉慧近年不时被指移居福冈，她解释一直港日两边走，而当初去福冈是因为系想学日文，以及帮朋友地产公司做宣传，作用与吉祥物差不多，不过有感公司已稳定，自己无能力令公司再上一层，所以将减少留日时间。正当大家以为这位“福冈通”日文十流利，但原来连考试都未参与过，程度慬限订台食饭。“因为唔做永远唔知系最开心，同堆人生好多阶段，试过又见唔到太大兴趣，够用就唔追求。”
福冈从不是游日首选地，为何会得到蒙嘉慧欢心？她说：“第一次去系老公介绍，10分钟可以到市区行街，同埋喺东京唔舍得搭的士，但喺福冈好愿意去截的士，对悭家嘅我好开心。到后来我唔钟意行街买衫，钟意去郊区、揾嘢食，过啲老人生活。”除咗“近机场”外，福冈最吸引蒙嘉慧是人情味，311地震后，她与伊健到当地旅游，去到一间经常帮衬嘅餐厅，获老板一再感谢。“佢多谢我哋仲肯去福岗，但喺我立场我只系觉得好方便，但佢嘅反应令我想介绍呢个地方，令多啲人去。以前除福冈，好钟意去泰国，但福冈系就算你10年无见，再见面时都唔会有miss咗10年嘅感觉。 ”
Dee姐因在电影《深宵闪避球》与伊健合作，继而与蒙嘉慧成为好友，而她更是今次蒙嘉慧出山原因之一； 至于保锜，蒙嘉慧之前只过透过节目认识他：“有喺演唱会后台见过ERROR 三子，唯独无见过佢，认识佢系因为睇节目，觉得佢好好笑，佢令我成日记得一句‘唯快不破’，因为我好认同呢句，所以每次节目睇到呢句都会觉得呢个人好得意。”保锜一直以为自己首次游福冈，直到去到一间餐厅拍摄时，强烈熟悉感勾起他《花姐ERROR游》的记忆。经过今次拍摄，保锜认为福冈可以encore。“以前去日本上网睇5星点评都系唔好食，识yoyo朋友后，真系识食。”
HAIR : JOHN CHUNG @BARBIERI PRIVATA( 蒙嘉慧) 、nicki ting（陈海宁）、Man Chan @CHIC Private I salon（保锜）
MAKE UP : SHUEN KONG( 蒙嘉慧)、 chris lam（陈海宁）、 Cori Wong @ Annie G Chan Makeup Centre（保锜）
Stylist: Felix Wong （保锜）
Cardigan @AllSaints（保锜）
Digital print pant @Ricky Wong（保锜）
Boots @Pedro（保锜）