“焚城四子”拒出全裸月历　Jeffrey解释因“咁嘅身形”

谢君豪、何启华、Jeffrey、Locker、王菀之、王丹妮同许恩怡，昨日为《焚城》上映日谢票，“焚城四子”同王丹妮齐齐以制服look现身，唔同组别嘅王菀之都睇到心心眼，仲话自己随时都ready一齐制服look。早前话过可以喷水、湿身做福利，今日改口话唔敢拎消防喉入戏院，仲话怕射湿观众会收律师信。

而提到新出炉嘅消防月历，Jeffrey话顺应观众要求，问到敢唔敢学澳大利亚消防员近乎全裸上阵，Dee话打算出一本万年历。“香港消防唔用呢啲旁门左道，佢哋好专业，唔系有肌肉先识救火，佢哋都话我似烧防员，因为唔系个个都好似Jeffrey咁大只，但佢哋全部都有实力同专业。”Dee日前上载刘德华合照，并分享自己嘅追梦旅程，他表示《焚城》拍摄艰难，大家都出心出力，所以想有更多人可以欣赏。