卧底娇娃｜陈滢拍打戏致周身伤 揾物理治疗师啪骨：动作唔靓移位

陈滢今晚（1/11）现身观塘出席无线新剧《卧底娇娃》煞科宴。陈滢在剧中饰演一名警察，同时亦系空手道高手，与马贯东不少对打戏，而日前拍摄最后的戏份时，遭马贯东狠下毒手打到受伤：“其实拍呢套剧，当中系有好多动作场口，系打到周身伤，始终整到啲关节位，唔系好似以前后生咁快会好返。以前细个啲会好搏命，连啲师傅都知我会好用力去打，但到我而家大个啲，就知道系唔得嘅，原来系要锡身啲，因为你会发觉受伤之后原来系好难康复，后生嘅时候就会好快康复。而家我都揾咗物理治疗师帮我啪返好啲骨，因为有时啲动作唔靓，系会搞到啲骨移位。”