全新健身品牌接管舒适堡　生招牌由郭富城变熊黛林

今年9月，在港经营逾30年，郭富城代言22年的著名连锁健身集团“PHYSICAL舒适堡”宣布暂时全线结业，引起外界哗然，不少预缴月费苦主大感无奈。有集团接管PHYSICAL成立全新健身品牌，代言人竟是郭富城前度熊黛林。

2002年起郭富城就成为PHYSICAL的代言人，一身黝黑肤色再搭配着健硕肌肉，成为店舖生招牌。Lynn是著名模特儿，即使已为人母，身材都一向keep得相当好。Lynn早前看新闻得知perFIT正式接管PHYSICAL的消息，相当感概，她说：“而家世界气氛都唔系太好，有地方战争、环境、经济不景气，我哋都要有返啲正能量，我有睇新闻报导，同Kennis（创办人符芷晴）好熟，佢接管后一、两个星期就同我倾代言嘅事，我一口答应，因为成件事好鼓舞，我已经唔系少女啦，结咗婚生埋两个小朋友仲可以保持状态，相信系每个人梦寐以求嘅事，要带出每个年龄无论男士同女士都可以，好希望将呢个讯息带畀大家。我自己都好钟意做运动，我仲话要畀埋会藉我老公、我妈妈、所有亲戚一齐去做，两个女都要一齐去，哈哈。”

Lynn更表示无论甚么年龄，保持身心健康至关重要，她更自爆现时十分养身：“而家要养身，除咗日常补品之外，运动更加系不可或缺。除咗去健身室，我屋企都有一部健身踏步机，一星期点都要郁4至5日，几忙都要郁吓，唔郁个人会好攰、好肿，成身都唔舒服，运动完出身汗就舒服好多，当然有个地方畀我做运动紧系无得顶啦！以前我就会去健身室等老公，而家虽然唔会一齐做运动，但都各自健身保持身体健康，以前我就会练线条，而家照顾屋企冇虽然冇咁多时间，但唔可以畀自己肥，而家我老公就钟意街头健身，玩人旗，好犀利！”