黄夏蕙久未与梅妈联络 曾听闻梅启明家暴：佢成日都系

夏蕙BB今晚（31日）以蛇嘅造型 ，现身兰桂坊，准备狂欢万圣节。现身人群前夕，夏蕙BB喺楼家延开六席，同亲朋好友预祝94岁生日。

讲到生日愿望，夏蕙BB表示最紧要身体健康同人人开心，儿孙满堂嘅佢，大部分孙都喺外国，但幸好老公喺香港，佢仲话要浪漫mode 庆祝。“佢佢日都令我好开心，会带我游车河。”夏蕙BB又预告将会担任契仔新歌MV女主角，她需要饰演患有小儿麻痹症。“有压力，因为唔知点扮好。”

另外，提到好友梅妈，夏蕙BB表示虽然关心对方，但爱莫能助，问到有无听过遭梅启明家暴，夏蕙BB表示：“佢成日都系，唔使听，个个都知。（有打过佢？）为咗钱，我听闻。”夏蕙BB又表示已经自疫情后已经无见过梅妈，但并非与对方失联，而系无需要揾。“佢会揾心呻，但唔系揾我。（听到家暴都唔惊讶？）呢啲家常便饭。”