专访｜《出租大叔》编审陈雅莉：中年人需要一个拥抱
ViuTV剧集《出租大叔》讲一班“中佬”面对中年危机的故事，当中有笑有泪亦有抵死对白，写五个中佬加一个女人的故事，而编审陈雅莉Emily表示《出租大叔》想讲的讯息是陪伴，她说：“人到中年一定会遇到好多问题、会唔开心，我哋知道呢啲问题可能有得解决或无法解决，亦知道下一步系点做，但系咪代表我哋就唔需要人去温暖我哋？或者去爱我哋？就算你识解决也好,但你仍然系值得需要有一个拥抱。”
身光颈靓但冇钱嘅中佬
《出租大叔》原先叫《出租万事屋》，由监制命题给女编审陈雅莉主理，她说：“当时慨念系有个中年男人，钟意戴金捞，著到身光颈靓，但系袋入面又无乜钱，呢种好典型嘅香港中年男人，万一佢失业点算呢?跟住就开始呢个命题，监制本身都系一个单身中佬，佢话佢哋成班阿叔朋友好钟意去佢屋企，跟住剩系打边炉，佢话想做一个关于中佬嘅故事，啱啱又做完《野人老师》，我哋之后就开始创作《出租大叔》。”
大叔互窒对白由演员锦上添花
有留意《出租大叔》，必定会留意到，大叔之间那些有点坏但令人会心微笑的对白，原来编审陈雅莉留了不少空间给几位大叔发挥，她说：“我虽然系中年少女，但唔系大叔，男人之间倾计好衰𠮶啲，我话就靠你地喺现场搓啲嘢出嚟，咁佢地话正㖞，佢地就可以喺呢个剧本有好多化学作用，我自己本身都写唔出嘅好衰嘅嘢，譬如有一场戏，佢哋串阿鸡追唔到何嘉莉，再用喃呒方式超渡佢，因为佢哋真系friend所以先度到出嚟。”
另一场戏编审觉得难写的是，是一班男人讲“波经”她说：“最难写系足球，对于呢方面完全唔认识，到11集观众话我哋神预言，话曼联有个人炒咗（领队坦克），其实我系完全唔识，因为唔识所以我就好用力去问咗人哋，有一场戏好长，用足球嚟形容佢哋关系，但佢哋读出嚟个效果冇咁好，跟住佢哋话大叔都会有执念，好似系陈子丰，佢话我只系钟意呢队，所以戏入面我唔可以演敌队球迷，呢啲几好笑，后尾先知原来每个大叔都有自己钟意嘅球队，对于我系女仔嚟讲，系比较难写。”
陆奥诗人角色最难写
《出租大叔》有六个主要人物，每一个性格不同，陈雅莉表示最难设计的是陆骏光饰演的陆奥，她说：“最困难系陆奥雷呢个角色，佢系一个好寂寞、无乜人明白佢𠮶种文人，但我哋又唔系好文人个种，究竟佢啲谂啲乜呢？角色上佢要写诗，仲要系大文豪𠮶只，我真系墨水有限，我写极都写唔出，揾埋AI帮手，但都系写得好差，最后就真系揾咗一个诗人朋友，揾佢帮我完成呢个角色。”
澳门、香港取景有地域差
作为编剧想像要天马行空，但到最后都要剧组拍得出来才成功，所以要在创作时顾及可行性，尤其在资源有限的情况下，编审陈雅莉作为澳门影视创作人，当然明白到‘悭钱’的重要性，她说：“监制同我讲宿舍同爷爷家因为系主景，会落重本整靓佢，咁你就多啲戏𠮶度啦，不过地域差都会有一啲笑位出咗嚟，如果budget唔够，我就谂写多啲戏喺公园，因为澳门喺公园、海边拍戏唔使钱，跟住制片就会拎住份剧本埋嚟问：‘Emily，呢场戏真系要海边拍？’海边靓㗎嘛，‘马路边拍得吗？’我话马路唔啱feel㖞，跟住我先知原来香𠿬公园、海边拍戏系要钱嘅，我以为帮咗佢哋悭钱，其实唔系，我知道之后，就尽量改到就改。”
编审陈雅莉除了创作剧本之外，亦有参与casting，，她说：“监制佢哋好尊重剧本，创作𠮶阵冇想像系咩人去演，写完之后监制、导演开始见啲大叔，我都喺到嘅，我就负责讲哂大叔成个人物俾佢地听，我记得强尼、陆骏光都系要试戏。”
阿Gao角色难演
阿Gao系女团COLLAR成员，今次首度担任剧集女主角，戏份多角色亦复杂，编审陈雅莉大赞她勤力，她说：“一开始设计阿Gao呢个角色，其实佢系难演，因为呢个角色背后有好多故事，亦有几场戏佢需要情感爆发要喊，我哋其实真系攞住𠮶几场戏去cast，我哋唔会去就佢，虽然佢系新人，但佢演到𠮶种感觉，佢角色开头要板起个面，呢个都系佢自己设计，佢好认真对自己嘅角色，围读嘅时候佢系会做笔记，之后会问我‘我咁样理解啱唔啱？’ ”