58岁陈雅伦生图曝光靓过后生女 亲解向前度示爱原因

陈雅伦今晚现身无线为《直播灵接触》担任节目嘉宾，久未在港露面嘅佢依然明艳照人，完全唔似58岁。

陈雅伦接受访问时透露近年因直播带货关系，已移居内地，今次因为老友梁思浩叫到才特意返港。她又指直播除咗赚到生活费之外，又为她打开内地市场，问到会否想拍剧，她即说：“TVB无揾我，曾生你系咪可以谂谂。（有无咩条件要求？）最紧要剧本好、有戏好，就算唔系主角都得。（对手呢？）马德钟、林峰同埋（陈）浩民。”

提到之前突然向分手24年嘅旧爱黄尚伟示爱一事，她笑称是误会一场。“因为我𠮶时喺抖音直播，佢每次都会叫我写一段嘢，𠮶次系回忆嘅感情，咁我拣咗最经典嘅回忆，所以先写咗黄生，其实系一份功课，但好多人都觉得唔舍得佢。”

陈雅伦表示分手后无再与黄尚伟联络，但唔担心因今次“示爱功课”而影响对，并谓“对于佢嚟讲应该都系最深刻一段感情，大家陪伴对方嘅高高低低。”而讲到现时感情生活，陈雅伦就官腔地表示：“有好多朋友，但我依然系single。”她又指要升级为男朋友的话，除咗要有耐性之外，亦要睇缘份，因为自己工作较忙。“都有合眼缘，但都要多啲时间去了解。无得急，顺其自然啦。”

另外，陈雅伦早前亦在社交平台提到人在外地闯荡江湖时，难免会被欺负。她表示虽然打滚娱乐圈多年，但去到内地人生路不熟，被欺负都很正常，最紧要学识保护自己。“无得罪人，但会虾你无公司，所以识做人，同唔好得罪人好紧要。”