胡枫爆自己最唔Like艺人　同场相遇面对面跟对方说：真系好唔开心

现年92岁、人称“修哥”的胡枫，在影视界打滚超过70年，而且愈老愈精灵，近年还转型做埋KOL，在社交平台开设“修哥万花筒”，访问不同明星，搞得有声有色，深受网民喜爱。不过向来“好好先生”的修哥，竟然都有不Like的艺人，究竟是谁呢？

修哥近日饭局，期间更不忘把握机会拍摄新一集《修哥万花筒》，而他所指“唔Like”的人就是三哥苗侨伟，三哥先谦虚说：“喺修哥面前呢，我就唔敢叫三哥了，你可以叫我三弟，但系我通常见到修哥都会叫佢‘喂，死𡃁仔，你唔好咁牙擦㖞！’其实佢系一个𡃁仔嚟架。”

修哥风趣说：“我话畀你听呀，我见到佢好唔Like架，因为佢有型、有款过我，你话我真系好唔开心架，不过今日见到佢冇办法唔揾佢倾下偈。”不过三哥都非常识捞，赞返对方：“讲到型，又边度及得你呀，大佬，又青春，又好中气，讲嘢又口齿伶俐。”修哥转数劲快，反问三哥：“依家口齿伶俐，咁以前呢？”三哥模仿对方口吃说：“以前咪我我我我...诶诶诶诶...”十分搞笑。

随后，修哥还拉埋三嫂戚美珍入镜，自爆：“头先佢同我打招呼，我唔睬佢，我就话点解你老公型过我呀？我唔睬你啰！”戚美珍大赞修哥现在嘴巴很会逗人开心，以前没那么厉害的，现在是逆生长，她都想跟对方学习。

此外，三哥透露刚拍完一套电视剧，三嫂向修哥笑说三哥开工她便要做“阿四”，修哥即指住三哥说：“你就猛揾钱，佢（三嫂）就享福，其实你都唔使揾钱，你都大把钱。”三哥强调自己都要工作的，修哥笑称：“真系阴功啰！”又追问三哥新剧叫咩名，三哥说叫《无惧》，无所畏惧；修哥即搞烂gag：“佢乜嘢都无惧，系惧你（三嫂）啫！”三哥即说：“佢系我老细嚟架！”求生意志非常强。修哥又预告他明年会办演唱会，叫三哥和三嫂不用拿飞，包在连炎辉身上就可以。网民纷纷留言：“90+修哥的脑袋反应快 对答如流真的五体投地”、“修哥令人佩服”、“头脑灵活，表达清晰，好叻”。