白净男偶像江门开骚3千人撑场　曾暴肥至200磅最新状态又圆又尖？

洪卓立（Ken）近年的体型备受关注，他去年暴升至200磅，与初出道的白净花美男状态形成强烈对比，不过为了开巡回演唱会，他十分积极减磅，几个月前的广州、顺德、东莞站经已回落不少，而《The Other Planet 另一个星球》巡回音乐会，日前去到江门一站，见洪卓立块面虽然仍有少少包，但下巴已尖返，有望回到昔日颜值巅峰。

洪卓立从未到过江门巡回，他坦言知道要去江门开show，第一件事是想到当地美食，第二样是担心票房，“我喺度谂今次观众会推介我啲乜嘢呢？因为上次东莞站粉丝推介我食烧鹅，然后成个粉丝群全晚就系烧鹅嘅食物。第二件事就系点样乐观都会谂吓个票房，话晒我未去过江门巡回，唔知人哋识唔识自己㗎嘛。”结果音乐会当晚，开售的二千八百个座位，座无虚席，令他喜出望外。

Ken表示每一场的巡回都有自己想表达的讯息，向来不习惯亦不擅于表达自己的他借着巡回主题“The Other Planet”释放自己，“每一场嘅medley部份，我都会加我自己想表达嘅谂法入去，透过唱歌同画面讲比大家听，而medley最尾嘅一首歌就系核心思想。”这次想表达的讯息是“告别娑婆”，他将过去三、四年来的一些想法透过歌曲展现，加上自己亲手写下文案，放在画面跟观众分享，核心思想就是希望大家不要放弃，“自己经历咗唔少事，我都冇放弃，亦都一步一步咁行返上舞台，所以我都希望将呢个讯息带畀现场观众。”作为歌手，除了娱乐观众，他自觉有责任带出某些讯息，“例如系珍惜、例如唔好令自己后悔、例如坚持。”

演唱会尾声，Ken除了预告下一站将于佛山举行，更分享了一段小故事。在唱最后一首歌《目前》前，他表示出乎意料地不知道原来大家十分喜欢这首歌，“因为首歌系好耐之前，后尾我先至知道原来有啲朋友系攞呢只歌嚟求婚。之前我去咗电台做访问，DJ喺咪后同我讲，‘我老公都系用呢只歌同我求婚㗎，如果佢唔系用呢只歌，佢求婚唔成功㖭呀！”引得全场爆笑。Ken笑言“好惊”，“不过我觉得我喺呢个乐坛都有少少嘅贡献，当大家去求婚，各位男士如果求婚嘅话，可以考虑吓用呢只歌啦。”