出租大叔·专访｜Gao收工突然“嚟料”爆喊　强尼讲中佬特别有feel

强尼在ViuTV新剧《出租大叔》饰演演林木森，人到中年被炒鱿鱼，女友即时执嘢走人，屋都无得住焗住搬返屋企，同女儿林玛莎（Gao）老窦高翰文面阻阻。同样都是中佬，强尼笑言如果自己是林木森的话，可能会活得比较自在。“男人喺社会上要背负嘅嘢系几多，尤其到中年，你最好成功，唔成功都唔好失败；慢慢会变成你唔系都要扮到系，而你不自觉地去到𠮶个位时，就会黑人憎。但又咁讲，你背负咁多嘢，边个问过佢内心、关心佢感受系点？呢个剧系好嘅话俾大家听，佢哋需要被关心，其实同流浪狗差不多。”强尼庆幸因工作关系，接触一班走在最尖端嘅新世代，令他更明白“原来世界系咁”，甚至亦从新世代身上学到嘢。

无论作为父亲抑或儿子，林木森都是不合格，现实中，强尼认为自己在父亲一角也是刚好合格。“学习紧同个仔嘅相处，朋辈一齐工作好易，作为父亲，你会好小心，我一路摸索紧。佢唔要你陪就唔好夹硬，畀佢嘅时间唔算好多，可以做到工作以外留喺屋企。佢小学时我日日车返学，除非自己开06 ，否则都会送佢返学。”

强尼首次在剧中有一位已成年的女儿，他与Gao过往嘅交流大概是《造星IV》时嘅“你好”、“ 恭喜你三盏灯”，对于呢个女，无论工作态度抑或私下相处，强尼都赞不绝口。“有晚拍完重要场口，我兜佢返屋企，喺车无啦啦‘我好挂住我老窦’然后就嚟料 ，讲紧10几分钟车程，你系感到佢嘅爱好浓烈。”

被爱包围下成长的Gao解释因为拍《出租大叔》时，个几月无见父母，加上当日拍嘅系父女剖白场口，令她突然“嚟料”。与父母之间嘅相处，Gao向来直接，goodbye kiss更是指定动作。

《出租大叔》是Gao第二次参与的剧集，她坦言拍《冰上火花》时，大部分时间懵盛盛，只是完成要做的东西，但不知做得对或错。“ 今次有班大叔喺度，经验值搭够我嘅不足。同埋大家相处时间好长，佢哋令我知发生紧咩事，有场的士戏我要落车，阿鸡（陆骏光）佢教我点落先唔会咁乱，呢啲同埋佢哋成日‘得㗎啦’系畀到好多信心我。”拍剧经验比Gao“多少少”的强尼，由客串一角、到一两集、到主角，一直在健康地成长。第一次拍剧已同廖启智做对手戏，之后亦与罗家英、郑中基、陈锦鸿、姜皓文交手。“系好富裕嘅成长，如果现实的话我系有钱仔嚟架啦。”

makeup：Cathy Zhang（Gao）、hair：Ricky lam（Gao）、Image Director：Daniel Cheung（Gao）、Styling Team ：Natalie Lin（Gao）、Wardrobe：Sandro Paris（Gao）