梁思浩质疑森美炒作酒店事件　为广播界要事造势博加薪：行内秘密

森美早前与老婆陈雅娴（Veronica）游大阪，晚上10点几于街头拍片求助，自爆出发前透过订酒店网站预订房间，一星期前已畀钱及确认，却于入住当日临时收到电邮通知指房间取消了，即使他去柜台跟职员争论2小时都无果，非常徬徨，更要四围扑房。事件在网上引起热议，网民竞猜到底是于哪个订房网站“中伏”，森美回港后亦有在电台节目《早霸王》还原事件经过，足本影片放了上903社交平台。

梁思浩日前与江美仪、梁铵庭主持《娱乐好好玩》时，大赞森美是广播界的聪明人，不过就质疑事件真确度，推测他是因一个理由做新闻、搏宣传。梁思浩：“如果呢单新闻系第一次去日本嘅，我百分百信！”不过他认为但凡去过日本的人，都知所有JR站附近会有即日酒店，提供予赶不上尾班车的上班族，大概10,000円住一晚，自己亦曾入住过，而且Walk-in一定有房。

之后梁思浩便说出自己所估计的内幕，指每年11月广播界都会有“全港听众调查”，对电台和DJ很重要，“𠮶段时间11月，周街有人问你有冇听电台，（你答）有，‘知道咩节目？’所以如果你个节目个名成日都俾人记得，佢就会投你一票。第三条问题就会问有咩DJ你钟意，入咗脑佢就会嗌你个名。”

平时商台的节目重温都要收费，而今次却是放了45分钟的足本“亲述连环不幸心路历程”上YouTube，短短5日已有31万人观看，江美仪都认为做法不寻常，“唔使钱听！仲要原汁原味45分钟听晒！”而梁思浩又指出，森美由头到尾都冇开过订房平台名，质疑：“你都有社交媒体，如果你book𠮶个app，你一定会话畀你啲朋友听，𠮶只死人app大家以后都唔好用。”不过江美仪就解释，森美曾说会私底下讲，只是不会在公开场合讲。

曾做DJ的梁思浩认为今次森美的事件是炒作新闻，他说：“我好明一样嘢嘅， 11月之前，广播界会施压力畀下面啲节目，主持人唔该你哋自己去炒吓新闻，拉吓票，搞啲嘢出嚟，今次唔系得呢个主持人，另一个主持人都有搞，不过搞唔起咋。”他的意思是，森美的拍档小仪上周都有出Post表示自己被同座大厦的人偷拍，只是炒不起热度而已。

梁思浩之后又讲到自己主持从90年代至2011年的《疯show快活人》，他说：“有段时间森美小仪唔系好想做10点（时段），因为我哋包晒所有（收听率），佢同小仪下昼个节目好多人听，但系佢哋决定专登打我哋，开头系打唔到，因为港台有一个好劲嘅节目叫《疯Show快活人》……”美仪听到这里突然失笑，指没想过梁思浩突然之间自己赞自己，不过思浩继续：“连续攞咗18年全港最受欢迎嘅第一位节目，OK？我都唔介意话畀大家听，有五年，大部份𠮶三个排位，头三名来来去去都系得呢三个人……”这三位便是梁思浩、林海峰、森美，而他有其中五年都得第一位。

梁思浩说自己离开港台后，冇人跟这个节目斗，才令森美成为10点钟时段的皇帝，“呢样嘢我赞佢，佢霸住10点个收听。”梁铵庭说，那森美应该多谢梁思浩，惟他回应：“佢应该多谢港台炒我𠮶个！”梁思浩指森美这个做法是广播界公开的秘密，又提到每年10月商台都会搞篮球赛等活动，乘机造势和见报，出力令大家投票时记得他们的节目和DJ名，“嚟紧我可以预测埋依两个礼拜嘅娱乐新闻，郑裕玲、余德丞，𠮶啲都会无端端突然间有啲新闻走出嚟。”

虽然一般市民未必知这个调查报告的重要，梁思浩就说这是DJ加人工指标：“点解大家好紧张个排位呢？佢个排位就系佢攞人工嘅Bargaining power嚟，如果林海峰𠮶届攞咗，就好有power去加人工，如果森美攞咗，森美就好有power去加人工。”