港男堕情骗损60万 麦美恩斥求爱不逐滥报东张 梁敏巧终极回应

无线节目《东张西望》日前报道一名男受访者小白，声称自己被“情骗”，被说服购买美容疗程及升学进修等课程，令小白损失60万。事件中，小白更揭发女方用同一手法行骗过百人，为免再有人受骗，小白挺身报《东张》公开事发经过警惕世人。事后麦美恩在社交平台留言直斥“求爱不遂、都报东张、其实同事自己拍拖都冇时间”，事件引起网上很大回响。

麦美恩一面倒被网民丧闹：“唔同意麦小姐嘅观点，冇滥用资源，喺个大框架里，根本系情骗案在先啦，唔系因为求爱不遂，你话求爱不遂都只不过系后话、但起初根本系一个骗局嘛，系因为一早都唔知道条女已有男友，仲有咁多男友，知道嘅话个男人重点会去求爱呀，去奉献咁多礼物呀，傻嘅咩？事主一直以为只有佢一个男友嘛，事主报东张其实系提醒咗好多其他男人无再被呢个女人嘅呢种手法去欺骗感情”、“要滥用资源，都要东张肯做佢呢单新闻先得嘅，不如问吓东张呢排系咪冇其他更有意义嘅嘢啦”、“我想麦小姐报东张、美诚月饼事件”

《东张》女神梁敏巧（Maggie）今日（18/10）现身电视城出席《呃钱》记者会。被问到过往有否受到情骗，Maggie接受《香港01》访问时笑言：“咁梗系有啦，仲要系呃得好惨。以前年幼无知，都系十八廿二嘅时候，俾对方呃咗感情同好少许嘅金钱，但都过咗去就算啦。而且自己都放低咗，都成十几年前嘅事。”

当提到她最近采访小白个案是“情骗”还是“求爱不逐”有何睇法？Maggie认真表示：“我觉得男又好，女又好，双方都有责任。而我听返啲细节，我觉得女方都开中明义，而佢都有讲明自己做边一行，开到单就有佣分。而我同你有感情之后，你又愿意咁做呢样嘢，咁又无可厚非嘅。而我觉得男方要懂得抽离，同埋唔好过分执著及咁求回报，咁成件事就唔系咁。（女方称男子为“表哥”，查实系男友身分，算唔算欺骗小白感情？）咁绝对系欺骗小白感情多啦。同埋就算呃唔呃佢有男朋友都好⋯（觉唔觉女方吊住小白情感、引佢入局，然后再俾一个假希望，令小白不断俾钱，女仔个动机会唔会系咁？）其实我自己都系觉得系咁样嘅，咁但系都3年啦，面仔都未锡过，都只系拖吓手仔，而又冇进一步，咁自己都要识得抽身嘛。咁所以大家都有自己嘅责任。”

对于小白意意外在对方手机短讯记录发现，原来女方用同一手法向过百人埋身，而且当中有不少男士中招。Maggie表示：“咁又唔可以话情骗，因为我开宗明义去做呢样嘢，我氹到你，你愿意俾钱，咁就无可厚非啰。（麦美恩话求爱不逐，你认唔认同？）某程度上系，而我觉得男士们应该睇开啲，唔好太执著，过去嘅金钱就买个教训啰，我都祝佢早日揾到好归宿。（算唔算滥报《东张》？）咁我又唔觉得滥用嘅，始终个女仔都有欺骗隐瞒，而佢都系一种手法嚟，而呢个都系一个好好嘅例子告诉所有男士们，网上好主动结识你嘅女仔，都要小心啲。”