麦美恩斥“求爱不逐”滥报《东张》惹公愤 李旻芳：我觉得冇滥用

无线节目《东张西望》日前报道一名男受访者小白，声称自己被“情骗”，指在社交平台被一名女子主动埋身认识，女方更不停展开嘘寒问暖攻势、令他堕入情网，最终被说服购买美容疗程及升学进修等课程，令小白损失近60万。同时小白揭发女方用同一手法行骗过百人，为免再有人中招，小白甘愿现身报《东张》揭恶行。事后《东张》亦找来女事主回应，女方指自己在一切购买课程上已经利益申报。而在送礼方面，指是男方自己主动付款，自己从来没有要求过。”

TVB敢言女星麦美恩随在社交平台发文直斥“求爱不遂、都报东张、其实同事自己拍拖都冇时间”，事件引起网上很大回响，被大批网民狠批是非不分：“唔同意麦小姐嘅观点，冇滥用资源，喺个大框架里，根本系情骗案在先啦，唔系因为求爱不遂，你话求爱不遂都只不过系后话、但起初根本系一个骗局嘛，系因为一早都唔知道条女已有男友，仲有咁多男友，知道嘅话个男人重点会去求爱呀，去奉献咁多礼物呀，傻嘅咩？事主一直以为只有佢一个男友嘛，事主报东张其实系提醒咗好多其他男人无再被呢个女人嘅呢种手法去欺骗感情”、“要滥用资源，都要东张肯做佢呢单新闻先得嘅，不如问吓东张呢排系咪冇其他更有意义嘅嘢啦”、“我想麦小姐报东张、美诚月饼事件”。

今日（18/10）《东张》女神李旻芳现身电视城出席《呃钱》记者会。对于小白个案是“情骗”还是“求爱不逐”，旻芳接受《香港01》访问时表示：“其实两样都有啲啦，因为我相信佢自己有意思，佢自己先会落叠。（你觉唔觉得个女仔埋身系有动机？）唉⋯你呢个问题好难答。（你判断系？）我觉得凡事总有因嘅，咁有人畀人呃咗钱，咁就梗系有人问攞钱啦，就只可以咁样讲。有人畀人呃咗感情，就有人想咁样做。但我就唔知佢嘅动机系唔系啦，但事实就系咁样发生。始终又唔可以未审先判，但我哋见到有受害者。（麦美恩指滥用《东张》！）我觉得冇滥用。因为所有嘢都可以播畀人睇嘅，无论一样嘢系真定系假，我哋唔会判断件事。只会将成个故事和盘托出 ，究竟发生紧咩事，但无论如何我哋都会访问晒两方面，唔会单方面，咁所以如果两方面我哋都有问，咁就由观众自己去决定。咁麦美恩固然有自己嘅想法，咁我哋系冇立场嘅，纯粹有人报料，我哋都愿意去帮忙嘅。”