爱回家｜邵初被网民嫌老　大方回应：选港姐已经俾人话我老啦

邵初今日（15/10）现身电视城出席无线处境喜剧《爱·回家之开心速递》宣传造势活动。提到她今年7月加入《爱回家》剧组，为了饰演律师“Minnie”一角，不惜牺牲剪走七吋长发，以一头短发示人。但不过较早前她在剧中与叶蒨文同框竟被网民嫌老：“睇唔睇得出邵初细过叶蒨文”、“哇，原来Candy仲老过Minnie”。

邵初接受《香港01》访问时表示：“其实自己本身都系新手，喺演呢个角色始终有啲难道，因为律师呢个角色人设系好聪明同好正经，变咗要演到有喜感，就要不停咁去揣摩点样去做。其实自己系会怕自己做得唔好，但同时我亦明白到，如果越怕就只会做得唔好。咁所以就放胆去演。”

对于被网民嫌老，邵初表示：“其实以前我系会唔开心，但我而家就冇唔开心。大家应该都听过童颜，我认我应该系老颜，因为我细个嘅时候已经系咁嘅样，同埋我咁多年都冇变，我参选港姐嘅时候，都已经俾人话我老啦，咁都而家都俾人话老，可能到我四十同五十岁，我都系Keep住咁嘅样。（面对网民批评变的很坚强？）都系迫出嚟嘅，多谢大家好与唔好嘅批评。但其实就算好多人去话我，但我都会见到有一啲会帮我平反嘅留言，甚至会有人传短讯叫我唔好唔开心，仲话我呢啲样系气质样嚟㗎，我收到系好窝心。”