吴志雄贴袁咏仪拥抱亲密照被质疑有路　霸气反驳：系我识阿靓先

吴志雄（大佬B)今日（14/10）现身尖沙咀出席“妈妹笑住唱PartII”演唱会发布会。提到早前于社交平台分享与袁咏仪（阿靓）陈年旧拥抱亲密照，随即惹起网上热议，有网民质疑二人有路，亦有网民抵死留言：“系咪向张智霖示威？”

大佬B就事件接受《香港01》访问时霸气回应：“要讲呢个故事，唔知啲观众钟唔钟意听。其实系我识阿靓先，后尾佢哋两个先拍拖，后尾有一日，佢哋话去沙巴玩，于是就成大班人一齐去，当时丁子俊佢都系到。记得𠮶日去到沙滩，我老婆都喺度，我就话落去游水先，阿靓就话自己唔游水，就叫我影张相先。呢张相就系咁发生，咁所以我哋系十几年嘅朋友嚟，我哋关系系乜都冇，唔需要澄清嘅。我老婆同我47年，如果我有女人嘅，今时今日都好多，我都仲得嘅。不过我真系好多谢阿靓同Chilam（张智霖），因为我一生人都未见过Michael Jackson，就系佢哋两公婆请我去台湾见佢，想喺呢度多谢佢哋两个，我哋真系好好朋友。”