陈百祥拍片批国足唔掂自荐做教练惹争议：讲笑我边有资格做

陈百祥早前在抖音拍片评论国足惨败0-7 原因，指自己清楚知道国足的弊病和弱点在哪，更表明国足只有一个方法能挽救局面，并谓：“就系我返去做中国队嘅教练，咁就有救。多数都入到世界杯，赢（冠军）就未必，八强冇问题。”片段公开后，随即引起网上热议。

陈百祥（阿叻）今日（14/10）现身尖沙咀出席“妈妹笑住唱PartII”演唱会发布会。就事件接受《香港01》访问时笑言：“其实讲笑啫，我边有资格做。不过我就有做青训就真，我一路同好多教练一齐，希望训练到啲后生仔钟意小型球，然之后再发返出去的大足球。（网民话你做教练可能有得教！）咁又唔会嘅，大家都系讲笑啫。而我就觉得中国队落败原因之一，系阵中嘅队员多数系北方人，相比南方嘅球员柔软度不足。就好似香港过往由谭咏麟个老窦，到四骑士及容至行，一路落嚟𠮶啲，我哋都唔会输俾日本同韩国，但到后期中国队出嚟，大部份都系北方嘅，反而系输。你可以睇到全世界嘅足球，最好波系阿根廷巴西，都系南美嘅。而欧洲南面𠮶边嘅就有西班牙、荷兰、法国。咁所以你睇到北方系唔得㗎。而中国旧时嘅球王，同埋赢晒成个亚洲都系我哋广东呢一边嘅人，呢个系我踢咗几廿年嘅波所睇到嘅嘢。”