大佬B吴志雄大爆有艺人冇工开 主动埋身𢱑捞北上揾银：有啲唔得
撰文： 吴子生
出版：更新：
吴志雄（大佬B)早前现身尖沙咀出席“妈妹笑住唱PartII”演唱会发布会。大佬B早年凭港产电影《古惑仔》系列走红，其后转战内地发展进军饮食界，更不时参演不同影视制作。被问到有什么片种不会拍？大佬B接受《香港01》访问时表示：“而家我就唔会再拍黑帮电影。（系咪想洗底？）唔系，我洗底好耐。因为国家需要，同埋之前我拍咗3部江湖片之前喺内地都上唔到，咁所以就费事啲投资者及导演白费心机，咁所以宁愿帮刘伟强拍咗一套电影《水饺皇后》，呢套电影仲就嚟上映。”
对于有传香港电影业界开工不足，面临全面停工。大佬B表示：“名我就唔开，其实我身边有认识嘅人系冇工开，而我都有带佢哋上去出席商演活动，例如去酒吧唱歌，又或者剪彩等。咁都Ok嘅，有啲得，就有啲唔得。始终喺广东省有啲演员名气系有嘅，但去到以北嘅就会差啲。而家广东省又饱和咗，加上经济又有问题，好多夜场酒吧又执咗笠，咁所以有得做就做。”