刘以达刮到钱自资出EP　达明一派40周年最想出歌

“方丈”刘以达将推出全新EP《明日之舞》，今午（14/10）举行发布会时，他笑言是因为《方丈寻根记ll 》滞销，所以想出碟速销。

刘以达接受访问时透露今次以自资形式出碟，又指年初自资搞嘅演唱会因为无蚀，加上又刮到啲钱，所以今次出EP会赠送小礼物。问到怕唔怕蚀钱？刘以达表示：“听天由命啦，呢只EP嘅歌今年内都唔会摆上网，因为好多人听完都唔会拎钱买，希望大家支持香港音乐。”

问到会否好似阿姐汪明荃一样，揾新世代歌手合作，刘以达话自己十分out，就算有尝试揾都未发掘到合适歌手。“有一位系已经喺呢只碟做主音，叫Loraine ，完全系靓声王，但因为我啲歌风格迷迷哋，所以录歌时都俾多啲时间同建议佢。”达哥又指好多女歌手都好恶，但如果对方唱得的话，佢都唔会理会。“暂时无人恶过我，不过我都试过差啲畀人打，大家都知系边个，不过唔讲啦。”

达明一派明年出道40周年，刘以达表示想有啲嘢搞，但他未正式问黄耀明意愿，加上对方一直在巡演，所以未知能否成事。“倾电话有，但无倾件事，上次见佢都系送月饼，我谂都系要睇天意，无计，你明㗎啦。”虽然未知成数，但达哥话如果真系要有一个40周年project ，他希望会录到一首歌。