专访｜陈蕾开完红馆无新目标　向死而生坚持做到最后一刻

撰文： 邝钰莹
出版：更新：
(梁碧玲摄）

陈蕾将在下月底在澳门举行其《念》演唱会，如无意外，极震撼嘅“中枪”淌血和“瞓棺材”将会澳门的威尼斯人综艺馆上演，唯独歌单可能略有变动，但陈蕾强调澳门场将是更好的版本。“因为有过4场嘅经历，第一日要留力，去到第三、四场先系最好，但澳门暂定一场，力度可以分配更好、再放胆啲去做。”红馆骚上，陈蕾玩咗唔少乐器，而这部分亦是用最多时间练习。“我有睇Jer同MC个骚，好明白佢哋所讲花好多时间去练结他𠮶样嘢，呢个演唱会我都系花最多时间去练乐器，尤其结他，所以每日都睇返有无甩漏，so far无，希望澳门做得再好啲。”

陈蕾开红馆时，身形超弗，但经过旅行放肆后，佢都有少少担心⋯⋯（资料图片）
陈蕾演唱会分为《死》、《惑》、《念》、《生》及《能屈能伸》五大主题，由开场的一滴血走到最后变成嘉年华的缤纷红色，带出“念死无常、向死而生”的概念。（资料图片）

《念》演唱会暂时只得澳门场，广州出生嘅陈蕾坦然想在家乡开骚，目的系想行动不便嘅亲戚睇到自己演出，但她亦不会太强求，因为有得开骚已经好满足。“而家连返去都少咗，喺香港有个几稳定生活步伐，所以真系要抽时间返去探屋企人系要plan。”完成红馆后，会否已有下一目标？陈蕾笑笑表示：“我系无咩计划嘅人，每日过得安好、无咩大好烦忧，就会慢慢知自己想点⋯⋯之前同朋友去旅行（捷克），有机会有天灾，佢问我打算点，我系无所谓，同埋当下都有谂有无遗憾嘢，又好似无咩，我希望有爱尽量表达、有咩感到抱歉嘅都要讲出声。”

讲到打机同织嘢，陈蕾自己都忍唔住话成日塑造出不务正业嘅歌手形象。（梁碧玲摄）

能够做到每日无憾，难道针织成了陈蕾嘅修练方式？话题一转去到“如果生命只剩24小时”，蕾子即谓：“我都会做埋手上嘅工作，我last day啫，咁你哋都嚟晒做访问嘛，相识也是一场缘份⋯然后做晒嘢之后可能会返广州，同屋企人食个饭，但同唔同佢哋讲好呢？可能都会打声招呼，遗书一定有，但应该系录音、拍片方式。我觉得留下来的人会比较难过，为佢哋留多啲心理准备。”

Hair : Cliff @ Myos

Makeup : Tammy Au