廉政行动｜张曦雯陀B开工被误会有咗　陈山聪做陈星妤老窦：赚咗

陈山聪、张曦雯、罗子溢、陈星妤、罗天宇等人今午为《廉政行动2024》进行宣传，张曦雯于剧中嘅首席调查主任，个性火爆兼要陀B，所以无论身理定心理都有一定挑战；而陈山聪饰演嘅调查主任，对白极长兼要一镜到底，最劲一次拍足10 take。另外，为咗出任务，陈山聪其中一幕要同陈星妤扮演父女，他笑言该幕十分浪漫，因为拍摄时全程淋雨。“我赚咗啦，有个咁靓嘅女，同埋本身监制系想我有啲暖男爸爸感觉，所以班下属好似仔仔女女咁。”

张曦雯表示之前在《再见‧枕边人》已经试过做妈妈，所以并不会抗拒做大肚婆，而陈山聪亦表示以前可能会有少少抗拒，但如今最紧要有发挥。但问到BB经手人系边个时，张曦雯即谓：“我自己知，但大家都唔会知，连监制都唔知。因为拍之前有一排无开剧，𠮶阵啲crew见到我个肚都唔敢问，以为我有咗，所以我应该都做到大肚婆嘅感觉出嚟。”陈山聪笑言当初睇剧本时，以为自己会系经手人，但监制原来并未有设定经手人一角。