森美流落大阪“7街瞓”　艺人分享订酒店中伏经历唔及呢个苦主惨

日本是香港人旅游热点，旅游区酒店林立，以为预早Book定实冇事，点知森美近日的经历，就引起不少网民热议。他近日与童颜靓老婆陈雅娴（Veronica）游日本，还罕有放闪，岂料昨晚（12日）他晚上10点几于大阪街头拍片求助。森美自爆早前透过订酒店网站预订房间，一星期前已畀钱及确认，12日下午却临时收到电邮通知指房间没有了，即使他去柜台跟职员争论2小时都无果。

森美说：“而家夜晚十点，我揾晒成个大阪都冇酒店……唯一揾到嘅酒店喺奈良，但系冇可能飞去奈良，最后发生咩事会点呢？揾咗成晚都揾唔到酒店，上网站….我都唔知自己噏乜，总之都揾唔到酒店。重点系我老婆都开始唔睬我，希望今晚揾到地方瞓啦！”他还写下：“星期六晚嘅大阪真系冇酒店有房，大酒店都冇，小酒店又系冇，亲身去咗问几间，全部爆晒，今晚去边？”

不过好彩，森美最后获朋友帮助，成功揾到房间过夜，放下心头大石的他开玩笑称：“争啲真系要7街瞓”。事发后吴彦祖、当奴、袁伟豪、Tim@Dear Jane、区永权、黄祥兴、戴祖仪等都有留言，但最多网民关心的是他到底于哪个网站订房，呼吁他开名避免更多人“中伏”，最多人推测的是“A”字头的订房网，森美的回应亦相当有玄机，当有人贴出A字头订房网的连结告诉他有房时，森美说：“呢个真系唔好信!我亲身行过呢间酒店就系冇!最重要系呢个网站…..返到去话你知”但至于详情，他说留待星期二开咪再讲。

而森美今次的悲惨遭遇，亦令不少人分享自己于中介网站订房的惨通遭遇，江若琳老公萧唯展说：“Axxxa我都奶(濑)过佢嘢”而林奕匡亦分享：“我试过一次喺NY返港班机cancel而航空公司安排免费酒店，email 已经 confirm好入住边间酒店，最后去到嘅时候酒店话冇房，话唔关佢哋事，叫我联络返航空公司。谂住不如自己book算，但原来全部附近酒店都已经满晒。 🥲”

原来很多网民都试过订完房被临时取消，极之徬徨，最惨的一位，竟于零下六度被酒店赶走，理论3小时都冇用，网民说：“我之前都试过用axxxa book咗间轻井泽酒店房，畀晒钱系冇得住！见到好多当地人到付，我畀晒payment proof同酒店+axxxa confirmation email，用日文同个声称负责人讲咗3个钟，佢都打发我走，劲离谱，当时出面仲要-6度紧！！！Lxxxxxg house！!!!大家小心！”森美就话出外靠朋友，大家若想避免同类事件发生，或者要按森美建议：“下次book咗房真系要再自己send email去酒店confirm 先至好出发。”