欧倩怡贺前夫郭晋安登六赠6字　揾到新工到大学做研究助理

欧倩怡（Cindy）今日为HoyTV“健康关注组”今季最后一集录影，指今次比第一日录影时心跳得更快，笑言可能有“大只男士”吴云甫加入做主持。她透露已找到新工作，“我同一时间做好多嘅嘢，我喺某间大学做紧Research assistant（研究助理），嚟紧𠮶边开始忙，会recruit（招聘）好多唔同人帮手做研究，会攞佢哋血、其他data（数据）做分析，嚟紧会闭关𠮶边做嘢。”

提到前夫郭晋安日前60岁生获大班圈中好友一齐庆祝，Cindy表示有tag对方讲生日快乐，她说：“见好多人同佢庆祝，佢开心，我都开心嘅。”会否为对方补祝生日？她说：“我知佢好忙，睇吓约唔约到啦。（会送咩祝福？）祝佢继续大红大紫啦！””她表示一直有跟郭晋安保持联络，话题多围绕小朋友，不介意为小朋友一齐出席聚会。

Cindy在7月暑期带囡囡去完韩国旅行，现计划12月圣诞再去一个有雪的地方，而囝囝则继续留英国读书。问会否考虑来一次家庭旅行？她说：“一齐去？暂时得我个女，同我爸爸妈妈，睇时间，睇缘份啦。”她表示子女没有追问二人离婚问题，亦不担心小朋友在学校被其他同学仔追问，她说：“依家啲朋友好叻好成熟，冇乜特别会问，佢哋读国际学校，唔太经常睇电视或接触娱乐圈。而同我其他家长都唔系真系好熟，但都会透过社交媒体讲声加油。”