周国丰换电话转移银行app嬲到想杀人 　狂轰︰系唔系要报《东张》

科技虽然日新月异，但每次换电话时，总系会被科技“激到”，尤其是要转移银行嘅应用程式时，周国丰日前就因为换电话要转移银行应用程式，而嬲到想杀人兼报《东张》。

周国丰因为换电话的关系，用新手机登入银行的应用程式，他在FB发长帖表示：“最惨系打去银行热线，首先，听‘千年’嘅语音指示，然后，被逼接收‘万年’嘅银行讯息，最后，等‘一光年’都系𠮶句‘电话线路繁忙，请耐心等候’！好啦！好唔容易接你个电话，原来‘有罪’嘅原因系你delete咗旧电话嘅app系无用㗎！基于security理由，必须要银行帮你delete，先可以腾出quota畀你部新电话喔。”

周国丰话自己拣咗以普通话与职员对话，但接通后，对方听到佢讲普通话时，竟然以英语表示唔识讲普通话。周国丰嬲爆转用英文操作，但都忍唔住爆一句︰“你唔识普通话，咁你哋又俾客人拣呢个选择！？”换来对方嘅dead air 。其实经过一轮身分确认、语音确认、密码确认，职员表示“周生，唔好意思！我哋个system显示你而家打俾我哋嘅电话号码，唔系资料上报咗嘅电话号码，我哋唔可以接受⋯”由于呢个电话系香港职员帮佢接驳，所以当然唔会系周生嘅手机号码⋯⋯

再次出现dead air，周国丰忍不住对职员说：“我喺香港通话嘅时候，已经go through晒所有验证程序，你而家先同我讲‘唔接受’！请你听住 ～ 系我‘唔接受’你哋提供呢啲垃圾级嘅服务！作为一间国际知名银行，你哋会唔会觉得羞耻呢！？你同我讲究procedural compliance，咁你一开始唔讲清楚‘电话号码’呢一点！你知唔知浪费咗我几多时间！”