VIVA拍麦记早餐广告 连续三日密集挑战拍摄跳舞

新晋女团VIVA首次代言香港麦当劳早餐产品“蕃茄浓汤扭扭粉系列”，四人更同时主唱广告歌曲《Morning Call》，歌曲更是VIVA今年第三首主打歌，广告及MV今晚凌晨（8日）正式上架。

首次主演广告，VIVA四人都有不少难忘的拍摄片段，广告前后花了三日时间逾60小时拍摄，无论精神及体力都系一大挑战，Carina透露为了节省来回车程时间，就直接到住在拍摄地点附近的朋友家里暂住，争取时间休息，“我自己心理真系有影响，哈哈，好在现场我啲队友撑住我。”Macy亦有同感，“最难忘系三日穿着同一套服装拍摄，因为我哋每日跳舞都出好多汗，Carina同我仲要着冷衫，不过唔紧要，好在现场食番啲好嘢，哈哈。”

VALC跟Ada表示最印象深刻一定是开车的场景，没有车牌的VALC拍摄时坐在司机位负责开车，“𠮶一刻我觉得自己好似识揸咁，前面有架车拖住我哋呢架车，我觉得系好新奇嘅一件事，因为我冇试过咁样，觉得好好玩，同埋一路吹住风、一路拍嘢系几舒服。”拍完这场景，VALC已立即表示会积极考虑考车牌。除此之外，Ada自爆拍摄时不停丧食薯饼，“第一次拍食嘢，以前睇啲食嘢广告，以为食几次ok，但原来因为要拍摄唔同嘅角度，所以我应该食咗超过十块薯饼，我系‘负责薯饼部门’，哈哈，同埋因为都有NG，所以食得越嚟越多，队友见到都有问我驶唔驶帮手，但我怀疑其实佢哋自己都好想食，哈哈。”

除了首次主演广告，今次亦是她们首次唱广告歌，VIVA坦言一知道确定拍摄广告的时候，四人既紧张又兴奋，更没有想过能唱广告歌。收到Demo的时候，四人已觉得曲风十分“早餐”，Ada谓记得听Demo当日，她给她的弟弟听了一遍，“我细佬听完之后就话即刻闻到好似有一种去咗麦当劳嘅感觉𠮶阵味。所以我就觉得原来一首歌真系可以带到一啲咁深层嘅意境或者系一个画面俾大家嘅感觉，呢个都系我第一次感受到。”