林嘉欣带阿女睇与阮经天主演电影揭剧本冇床戏动作：拍嘅时候先度
撰文： 张祖铭
出版：更新：
影后林嘉欣向来身体力行支持慈善，今日（8日）她以大使身份出席慈善团体颁奖典体，她接受《香港01》访问大谈最近与两个宝贝女儿去戏院观与台湾男演员阮经天共同主演的 《爱情城事》，她说：“我带咗我两个女去睇，佢哋话想去支持我。我发觉成个戏院都知道我喺度，由我一出场，我两个女就话妈咪𠮶个系咪你，佢哋嘅反应好大，佢哋又好大声，其实佢哋觉得自己好细声，但系我觉得好大声，所以我话我哋早少少快啲走，好尴尬，佢哋又有睇咗嘅，我有同佢哋分享我系一个演员，𠮶个系一个虚拟嘅世界。”
林嘉欣揭原本《爱情城事》剧本冇写床戏动作
林嘉欣指女儿的年纪有所成长之后对于我工作认识比较深，并表示：“佢哋再细个嘅时候以为我喺飞机做嘢，因为我会话我又要飞，佢哋就会话妈咪系飞机返工，大个咗之后啲女系会睇我剧本，就会同我讲话钟意呢个故事，之后又解释原因，我觉得去到呢个位好得意，有阵时听佢哋去讲个角色，会有啲启发㗎！”
被问到女儿是否看到剧本有关床戏的部份，她马上澄清：“唔会，因为个剧本冇写到床戏嘅动作，纯粹系一个内心嘅情感世界，系拍嘅时候先去度，佢哋睇完都会知道妈咪系一个演员。”讲到以前是否有所考量有关让女儿看到亲密镜头的问题，她直言：“当然佢哋细个嘅时候就唔会畀佢哋睇，但佢哋而家14岁上网都睇到，有阵时啲作品畀佢哋知道妈咪系做紧啲咩。”
有望演舞台剧
至于最近的工作安排，她分享：“嚟紧就会宣传《女儿的女儿》。”讲到自己属于舞台剧迷，是否也希望能够演出，她说：“我想㗎！但都要遇到适合嘅舞台剧，因为舞台剧同电影嘅节奏好唔同，始终都系冇得NG，呢样嘢系好考演员，仲要场场嘅观众都唔同，呢个系好好提升演技嘅方法。”