林嘉欣自爆14岁爱女冇手机　被问如何得知对方行踪：凭个信字

影后林嘉欣向来身体力行支持慈善，今日（8日）她以大使身份出席慈善团体颁奖典体，并向现场参加者分享蒙古救盲之旅，她接受《香港01》访问表示：“其中有一个家庭嘅探访有一个小朋友当佢两岁前，发现佢只眼不断流脓，不断流眼水，就有白色嘅嘢冚住，发觉原来佢有先天性嘅问题，佢而家去到14岁都仲未医好，但佢个爸爸就系面对唔到个仔只眼有问题，所以就离开咗个家庭，个细路仔就话如果我只眼冇问题爸爸系咪就唔会离开我哋？”她继续指见证这个家庭有许多的不舍，并续说：“因为眼嘅问题衍生咗咁多个事情，所以就好心噏。”

自爆14岁爱女冇手机

讲到对于两名女儿眼睛保养方面的问题，她说：“学校都有（检查），呢样嘢属于政府都会检查，但小朋友学习都离唔开网上嘅学习或者功课，所以我有限时间佢哋做功课，我好庆幸11岁（Sofie）同埋14岁嘅女儿（Kayla）都冇要求要用手机，所以佢哋而家系冇手机用，佢哋自己都唔钟意用，我觉得手机系一件好致命嘅事情。”被问到女儿没有使用手机，是否会带来生活上的不方便，她表示：“冇嘅，因为佢哋平时嘅行程我都知道，譬如佢哋啲行程点对点，或者课外活动，大女有阵时唔想我接佢想同同学一齐搭巴士返嚟，佢就用同学嘅手机同我讲，咁我就知㗎！所以都系凭个信字，知道可以揾到边个联络到佢咁就得，但其实佢自己都唔需要，我个大女话如果有手机就感觉佢个人（灵魂）就会唔喺度，我觉得佢意识到呢样嘢都系一件好事。”